Nidersachse-Rundfahrt
From Wikipedia, the free encyclopedia
Di International Nidersachse-Rundfahrt (LOTTO-Rundfahrt) isch e mehdägig Radränne, wu syter anne 1977 alljohr im April z Nidersachse uusdrait wird. Uusrichter vu däm Etapperänne isch dr Verein Internationale-Niedersachsen-Rundfahrt.
Nidersachse-Rundfahrt dt. Niedersachsen-Rundfahrt | |
Uusdragigsland | Deutschland Dytschland |
Uusdragigszytruum | April |
Ränntyp | Etapperänne |
Erschti Uflag | 1977 |
Letschti Uflag | 2007 |
Erschte Siiger | Flagge der Niederlanden Hans Langerijs |
Rekordsiiger | 2 Siig: Flagge Deutschlands Jens Vogt Flagge Deutschlands Thorsten Schmidt Flagge Italiens Alessandro Petacchi |
Bis anne 2007 isch s Ränne as Eliteränne durgfiert wore un isch Dail vu dr Dytsche Maischterschaft (TUI-Cup) gsii, un im UCI-Kaländer in d Kategori 2.1 yygstapflet gsii. Wäg dr Dopingskandal im Radsport hän sich e Huffe Sponsore zruckzoge, wäge däm isch s Ränne as Profiränne yygstellt wore. D Rundfahrt wird syterhär as Junioreränne wytergfiert.
D Nidersachse-Rundfahrt isch anne 1977 entstande dur d Zämmelegig vu zwai Radränne, wu z Hildesheim un z Braunschweig an dr Oschtere uusdrait wore sin. In dr erschte baide Johr het s Ränne no Niedersachsen-Harz-Rundfahrt ghaiße, ab 1979 derno Niedersachsen-Rundfahrt (Tour de Basse-Saxe).
Je zwai Ränne gwunne hän dr Jens Vogt (1994, 1997), dr Thorsten Schmidt (1999, 2000) un dr Alessandro Petacchi (2006, 2007). Anne 2006 het dr Alessandro Petacchi vum Team Milram e Rekord ufgstellt, wun er alli Etappe un d Gsamtwärtig gwunne het.