Neidhart
e middelhoochdütsche Dichder / From Wikipedia, the free encyclopedia
Neidhart, gnennt vo Reuedaal (ersti Helfti vom 13. Joorhundert), isch äine vo de bedütendste und fruchtbarste dütschsproochige lürische Dichder im Middelalter gsi. 132 Lieder si under sim Naame überliiferet, 55 von ene mit Melodie. Im Äinzelne wäiss mä aber nid genau, weli vo de überliiferete Stroofe vom Neidhart si und weli spööter in sim Stil dichdet worde si (sog. Pseudo-Neidharte). Es het e Hufe Abschrifte vo sine Dichdige gee und vo do cha mä aanee, wie beliebt und verbräitet sini Lieder bis ins 15./16. Joorhundert gsi si.
Im Neidhart si Minnesang isch vom Mediävist und Altfilolog Karl Lachmann as „höfischi Dorfpoesii“ bezäichnet worde. Er het in sine Lieder gäistriich und humoristisch vor allem beschriibe, was d Buure eso driibe häi und iiri groobi Art vom Liebimache.