dytschi Bolitikeri From Wikipedia, the free encyclopedia
D Monika Stolz (* 24. Merz 1951 z Worms) isch e dytschi Bolitikeri (CDU). Si isch vu 2001 bis 2016 Mitglid vum Landdag vu Bade-Wirttebärg gsii un vu 2006 bis 2011 bade-wirttebärgischi Arbeis- un Sozialminischteri.
Dialäkt: Undermarkgreflerisch |
D Stolz isch z Worms uf d Volksschuel un s Gimnasium gange. Noch em Abitur het si an dr Universitet Fryburg Volkswirtschaftslehr studiert un anne 1974 mit em Diplom abgschlosse. Derno het si vu 1974 bis 1977 as wisseschaftligi Referänti bi dr Konrad-Adenauer-Stiftig gschafft. Vu 1976 bis 1983 het si an dr Universitete Gießen, Würzburg un Bonn Humanmedizin studiert un anne 1985 zum Dr. med. promoviert. Nocherdani het si ne Zytlang as Dokteri gschafft.
Vu 1989 bis 2005 isch d Monika Stolz Gmaireeti z Ulm un Ortschaftsreeti z Ulm-Unterweiler gsii, dodervu vu 1991 bis 1999 as Vorsitzeri vu dr CDU-Gmairootsfraktion
Bi dr Landdagswahl 2001 het si im Wahlchrais 64 – Ulm s Diräktmandat gwunne. Au bi dr Landdagswahle 2006 un 2011 isch si wider iber s Erschtmandat in Landdag gwehlt wore. Dert isch si vu Juli 2004 bis Oktober 2005 stellverdrättendi Fraktionsvorsitzeri vu dr CDU-Landtagsfraktion gsii. Am 5. Oktober 2005 isch si bolitischi Staatssekreteeri im Minischterium fir Kultus, Juged un Sport wore un am 1. Februar 2006 derno Minischteri fir Arbet un Sozials (ab Februar 2010 Minischteri fir Arbet un Sozialornig), Mit em Aadritt vu dr grien-rote Regierig 2011 isch si us em Amt uusgschide. Bi dr Landdagswahl 2016 het si nimi kandidiert un isch derno us dr Bolitik ganz uusgschide.
D Monika Stolz isch remisch-kadolisch un ghyrote. Si het vier Chinder.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.