![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6a/World_oceans_map_mollweide_de.png/640px-World_oceans_map_mollweide_de.png&w=640&q=50)
Meer
From Wikipedia, the free encyclopedia
Unter Meer verstoht mer di mitenander verbundene Gwässer vu dr Ärd, wu um d Kontinänt liige, im Geegesatz zue dr Binnegwässer, wu uf dr Landflechi liige.
![Weltmeere](http://upload.wikimedia.org/wikipedia/commons/thumb/6/6a/World_oceans_map_mollweide_de.png/640px-World_oceans_map_mollweide_de.png)
Im Niderdytsche un au im Niderländische gits „d See“ in dr Bedütig vom alemannische Meer: D Meer, wu an Norddytschland aagränze, haiße derwäge Nordsee un Oschtsee. S Niderdytsche brucht hingege dr Usdruck Meer für was mä im Allemannische as „e See“ wurd bezäichne, zem Byschpel s „Steinhuder Meer“, wo im Landesinnere lyt, und in dr Niderlande isch d Zuiderzee in Ijsselmeer umgnännt wore, wu si yydaicht woren isch.
S Meer isch e Wassermasse, wu zämmehangt, stark glideret isch un rund 71 % vu dr Ärdoberflechi deckt. 31,7 % vum Wältmeer sin 4000–5000 m dief. D Meerflora produziert rund 70 % vum Suurstoff vu dr Atmosphäre.
Insgsamt het s Meer e Volume vu 1,338 Mrd. km³ un dodermit e Aadail vu 96,5 % am Wältwasservorchuu. Wäg em hoche Salzghalt vu rund 3,5 % cha mer Meerwasser nit drinke oder fir d Bewässerig nee. Nume 3,5 % vum gsamte Wasservorrat uf dr Ärd isch Sießwasser. Wisseschaftlig erforscht wäre d Meer vu dr Ozeanografi (au Meereskund).