Dr Massimo Rocchi (* 11. Merz 1957 z Cesena) isch en italiänisch-schwizerische Schauspiiler und Komiker, wo z Basel läbt.
| Dialäkt: Baseldütsch |
1976 het dr Rocchi s Abitur am Gymnasium V.Monti z Cesena gmacht und denn Theaterwüsseschafte an dr Universität Bologna gstudiert. 1978 het er im französische Boulogne-Billancourt bim Etienne Decroux Underricht im Mime-Corporel überchoo. In de drei Johr druf isch er uf d École Internationale Marcel Marceau gange, won er 1982 s Abschlussdiplom überchoo het.
Dr Massimo Rocchi duet in siine Bühneshows gärn Nationalidäteklischees karikiere, vor allem s Verhalte vo de Bärner, und macht sich über sproochligi Eigeheite und Absurdidäte lustig. Er bruucht drbii Hoochdütsch und Schwiizer Dialäkt, Französisch, Spanisch und Italiänisch; hüfig wächslet er d Sprooch innerhalb vom ene Brogramm. Siini grösste Erfolg in dr Schwiiz si d Brogramm äuä vo 1994 und Circo Massimo vo 2005 gsi. Im 1996 hät er zäme mit em Walter Andreas Müller d Färnsee-Uufzaichnige vom Arosa Humor-Festival moderiert. Dr Massimo Rocchi isch e italiänisch-europäische Wahlschwiizer mit Dobbelbass.
- 1986 - Spiagge Italiane
- 1989 - Mamma Mia
- 1990 - Plages italiennes
- 1991 - Das Orakel in der Wüste
- 1993 - Massimo & Rocchi
- 1994 - äuä
- 1997 - je viens de partir
- 1999 - Adele!
- 2001 - Circo Massimo (Fassig für Dütschland und Östriich)
- 2003 - jetzt oder Knie Jubiläumstour 200 Johr Familie Knie mit em Schwiizer National Circus
- 2005 - Circo Massimo (Schwiizer Fassig)
- 2009 - RocCHipedia
- 2012 - Oper Inszenirig: "LO SPEZIALE" Oper von Joseph Haydn. Theater Basel Opernhaus, klie Bühni, Schwiiz
- 2013 - Theater Inszenirig: "BOULEVARD". Theater Basel, Schwiiz
- 2014 - Oper Inszenirig: "DON PASQUALE" Oper von G. Donizetti. Theater Basel Opernhaus, grossi Bühni, Schwiiz
- 2015 - EUä
- 2017 - Theater Inszenirig: "Matterhorn Mojito" vo Lorenz Keiser. Hechtplatz Theater, Zürich, Schwiiz
- 2017 - 6zig
- 2017 - Theater Inszenirig: "Der Abendgang des Unterlands". Theater Lach und Schiessgesellschaft, München, Dütschland.
- 2018: Staunen. Wintergarten Varieté, Berlin, Dütschland
- 2019: Life
- 1988: 1. Briis bim Wettbewärb Professione comico z Venedig, Italie
- 1990: 1. Briis bim Festival Européen d’Humour z Saint Gervais, Frankriich
- 1991: 1. Briis bim Festival International z Cannes, Frankriich
- 1993: 1. Briis bim Festival du Théâtre Comique z Lyon, Frankriich
- 1996: Salzburger Stier z Salzburg, Östriich
- 1997: Prix Walo z Züri, Schwiiz
- 1998: Deutscher Kleinkunstpreis, Mainz, Dütschland
- 1998: Kleinkunstpreis Wilhelmshaver Knurrhahn, Dütschland
- 1999: Paul Haupt Preis, Bärn, Schwiiz
- 2005: SwissAward 2005, Kategorie Showbusiness, Züri, Schwiiz
- 2006: Schweizerischer Kabarett-Preis «Cornichon» Olte, Schwiiz
- 2008: Schweizer KleinKunstPreis, Thun, Schwiiz
- 2013: Verleihung der Ehrendoktorwürde, Dr. h.c. Massimo Rocchi am 15.11.2011, durch die Universität Fribourg, Schwiiz
- 2013: AZ Medien Kulturpreis, Bade, Schwiiz
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
