From Wikipedia, the free encyclopedia
S Luxeburger Abkomme (au Widerguetmachigsabkomme, ängl. Reparations Agreement between Israel and West Germany, Ivrit: הסכם השילומים Heskem HaShilumim) isch e Verdraag zwüsche dr Bundesrepublik Dütschland uf dr äinte Site und Israel und dr Jewish Claims Conference (JCC) uf dr andere, wo am 10. Septämber 1952 abgschlosse worde isch.
Dr Inhalt vom Abkomme si Zaalige, Exportgüeter und Dienstläistige im Gsamtwärt vo 3,5 Milliarde D-Mark gsi, zum d Integrazioon vo middelloose jüüdische Flüchtling z understütze, und s Verspräche vo dr Bundesrepublik Vermööge, wo de Juude graubt worde si, zruggzzaale. 3 Milliarde si für e Staat Israel bestimmt gsi, 450 Millioone für jüüdischi Flüchtling, wo usserhalb vo Israel gwoont häi, und 50 Millioone für die, wo nüme zu irgend ere jüüdische Gmäind ghöört häi.
Das Abkomme het dr Bundeskanzler Konrad Adenauer (CDU) im Bundesdaag mit de Stimme au vo dr SPD gege Däil vo sinere Regierigskoalizioon duuregsetzt.
Au z Israel het s Abkomme nid weenig Gegner gha. Die rewisionistischi Cherut-Pardei, aber au linggi Knessetmitgliider si gegen e Verdraag gsi und d Rehabilitierig vo Dütschland, wo mit em verbunde gsi isch.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
