From Wikipedia, the free encyclopedia
Lüterkofe-Ichertswiu (amtlich Lüterkofen-Ichertswil) isch e Iiwohnergmein im Bezirk Buecheggberg im Kanton Soledurn, Schwiiz.
Lüterkofen-Ichertswil | |
---|---|
Basisdate | |
Staat: | Schwiiz |
Kanton: | Soledurn (SO) |
Bezirk: | Buecheggberg |
BFS-Nr.: | 2455 |
Poschtleitzahl: | 4571 |
Koordinate: | 605076 / 223506 |
Höchi: | 473 m ü. M. |
Flächi: | 4.40 km² |
Iiwohner: | 895 (31. Dezämber 2022)[1] |
Website: | www.lueterkofen-ichertswil.ch |
Blick uf Ichertswiu | |
Charte | |
D Doppugmein Lüterkofe-Ichertswiu liit i re Taumuelde vom Biberebach im Buechiberg, im Soledurner Mittuland. Zue dr Gmein ghööre d Dörfer Lüterkofe (473 m ü. M.) un Ichertswiu (483 m ü. M.). D Gmeindsflächi umfasst 53,7 % langwirtschaftlichi Flächi, 33,8 % Waud, 12,1 % Sidligsflächi u 0,5 % suschtigi Flächi.[2]
Nochbergmeine si Nennigkofe, Lüsslige, Lohn-Ammannsegg, Chüttigkofe, Brüggle u Tscheppech im Kanton Soledurn u Bätterchinge u Löizige im Kanton Bärn.
D Gmein Lüterkofe-Ichertswiu isch im Johr 1961 entstande us em Zämmeschluss vor Gmeine Lüterkofe un Ichertswiu.
Lüterkofe isch zum erschte Mou gnennt worde im Johr 1315 aus Lüterkon (1325 in Luterkon, 1344 Lütrikon, 1368 Luterkoven, 1382 Lu(i)terkofen), Ichertswiu im Johr 1148 aus Hisenharceswilare (1399 Ysnatzwile, 1540 Jsserzwil).
Quälle: Bundesamt für Statistik 2005[3]
Johr | 1850 | 1860 | 1870 | 1880 | 1888 | 1900 | 1910 | 1920 |
Iiwohner | 438 | 433 | 461 | 534 | 534 | 492 | 445 | 481 |
Johr | 1930 | 1941 | 1950 | 1960 | 1970 | 1980 | 1990 | 2000 |
Iiwohner | 510 | 481 | 496 | 490 | 528 | 597 | 645 | 641 |
De Uusländeraateil isch 2010 bi 6 % gläge.[2]
67,6 % vo dr Iiwooner si im Johr 2000 evangelisch-reformiert gsii, 14,8 % römisch-katholisch.[2]
Bi dr Nationalrootswaale 2011 hät s das Ergebnis gää:[2] BDP 5,2 %, CVP 8,6 %, EDU 0,6 %, EVP 2,3 %, FDP 33,9 %. GLP 4,8 %, GP 6,0 %, SP 13,1 %, SVP 22,3 %, Suschtigi 3,2 %.
Gmeindspresidänt isch dr Roger Siegenthaler (Stand 2012).
D Arbetslosigkeit isch im Johr 2011 bi 0,9 % gläge.[2]
Bi dr Voukszellig 2000 hei vo dr 641 Iiwohner 97,7 % Dütsch aus Hauptsproch aagää, 0,8 % Französisch, 0,2 % Italienisch un 1,3 % angeri Sproche.[2]
Dr hochalemannisch Dialäkt vo Lüterkofe-Ichertswiu ghört zue dr Dialäkt vo dr Region Soledurn, wo ähnlich si zum Bärndütsch, aber au zuem Nordweschtschwyzerdütsch ghöre.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.