Kubaba
From Wikipedia, the free encyclopedia
D Kubaba isch di altsyrischi Stadtgöttin vo Karkamis am Euphrat. Si werd scho im 19. Jh.v. Chr. gnennt und isch vo de Hurriter, Hethiter und Luwier öbernoo woore.
I de neohethitische Zitt isch d Kubaba die wichtigsti Göttin vo de Luwier gsii und isch „Königin vo Karkamis“ gnennt wore. Dargstellt werd si miteme Granatöpfel und emene Spiegel i de Händ. Ere Beglaiter isch de Stadtgott Karhuha. Im Land Kumaha isch si mit de Göttin Ala synkretisiert wore.