From Wikipedia, the free encyclopedia
Ä Chläbschtreife isch es Band us Bapiir oder Kunschtschtoff wo uf einere Siite, bi Schbezialchläbschtreife uf beide, mit em ä Chläbschtoff beschichtet isch. Das chan ä Chläbschtoff sie wo sofort chläbt wenn mä dr Chläbschtreife uff s Material leit wo gchläbt söll wärde, oder wo mä zerscht no muess nass mache. Es git Chläbschtreife wo mit Gewäb verschterkt si, so dass si dr Längi noch sehr schwer, dr Queri noch aber im allgemeine liicht verriisse.
Wil si eifacher und schnäller z bruuche si als Liim wärde Chläbschtreife dähei oder im Büro bruucht ver zum Sache zsämme z chläbe, öppis z flicke oder Päckli z mache, aber die gröschte Mänge vo Chläbschtreife wärde bim Gwärb und in dr Induschtri bim Verpacke vo dä Brodukt verbruucht. Moler bruuche an Art Bapiirchläbschtreife zum verhindere, ass Fleche agmolt wärde wo me nit söt mole. Ihri Chläbschtreife sin so gmacht, ass mä si liicht cha entfärne und ass si keini Schpure vo Liim hinderlön. D Elekdriker bruuche Isolierband us Blaschtig, ass keini Churzschlüss chönne entschtoh wäge Füechtigkeit oder diräktem Kontakt zwüsche zwei Dröht. Bim Heizigsbau wärde sälbschtchläbendi Aluminiumfolieschtreife bruucht.
D Entsorgig vo villne Chläbschtreifenarte isch schwierig, wil s Band mänggisch us PVC gmacht isch, oder aber giftige Acrilatchläbschtoff bruucht wird.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.