From Wikipedia, the free encyclopedia
Dr Kantönligeist bezeichnet e Differenzierig in dr Identität, Mentalität und Politik zwüsche de 26 Schwiizer Kantön, wo als überdriiben empfunde wird. Dr Begriff wird aber au usserhalb vo dr Schwiiz, vor allem z Östriich und z Dütschland, as Synonym für ängstirnige Lokalpatriotismus und Chilledurmpolitik bruucht.
D Ursprüng vo däm Phänomen lige in de Eigeheite vo de Kantön. So het jede von ene si eigene Mix vo Mundarte, si eigeni Verfassig und anderi regionali Spezialidete. Uf dr politische Ebeni lige d Verwaltigsorganisation, d Kultur, s Schuelwäse, die diräkte Stüüre, s Grichtswäse, s Bourächt, dr Naturschutz, dr Heimatschutz und dr Stroofvollzug hüte no ganz oder deilwiis in dr Kompetänz vo jedem einzelne Kanton.
Hüfig wird vo de Ahänger vom ene Zentralstaat oder eme Bund mit meh Kompetänze behauptet oder wenigstens insinuiert, dr Kantönligeist brämsi die politischi und wirtschaftligi Entwigglig vo dr Schwiiz. D Bezeichnig wird abwärtend für ängstirnigs und provinziells Dänken bruucht, mänggisch zum d Kritik an mehr Kooperation und mehr Bundeszueständigkeite z underminiere, aber hüfig us Frustration wil Entwigglige im ene föderative System im allgemeine langsamer si.
![]() |
Dä Artikel basiert uff ere fräie Übersetzig vu dere Version vum Artikel „Kantönligeist“ vu de dütsche Wikipedia. E Liste vu de Autore un Versione isch do z finde. |