Italienische Schweiz

Di Italienischi Schwiz (Italienisch; Svizzera italiana) umfasst die Gebiet vo de Schwiz, wo d Bevölkerig mehrheitlich italienischsproochig isch.

D Sproochgebiet (2015) – D Lag vo de italienische Schwiz (grüe)
Mehrheitsverhältnis noch de BFS-Erhebig vom 2010;
(Charte mit emene Gmeindsbestand per 1. Januar 2015)
 Dütsch
(65,6 % vo de Bevölkerig; 73,3 % vo de Schwizer)
 Französisch
(22,8 % vo de Bevölkerig; 23,4 % vo de Schwizer)
 Italienisch
(8,4 % vo de Bevölkerig; 6,1 % vo de Schwizer)
 Rätoromanisch
(0,6 % vo de Bevölkerig; 0,7 % vo de Schwizer)

Geografii

De Kanton Tessin (ohni Gmeind Gurin) bildet zämme mit de Bündner Südtäler, Calancatal, Misox, Bergell, Puschlav und au d Gmeind Bivio im Oberhalbstei di italienischsprochigi Schwiz.

Sprooch

Italienisch isch i de Schwiz e Amtssprooch und dodemit em Dütsche, em Französische und em Rätoromanische rechtlich gliichgstellt. De italienisch Dialäkt, wo i de italienische Schwiz gredt wird, ghört zum Lombardische. I de grössere Ort, wo vill Touriste verbii chömed, chönd vill Lüüt au Dütsch oder Änglisch.

Gschicht

Vom 16. bis 18. Johrhundert hät au s Veltlin, wo Untertanegebiet vo de Bündner gsi isch, zu de Eidgenosseschaft ghört. Us däm Grund isch damols s Gebiet vo de Italienische Schwiz no zämehängend gsi.

Regione vo dr Schwiiz Nach em Bundesamt für Statistik: Ostschwiiz | Züri | Zentralschwiiz | Nordwestschwiiz | Espace Mittelland | Région lémanique | Ticino Kulturell, geografisch oder geologisch prägt: Jura | Mittelland | Voralpe | Alpe | Alpesüüdsiite | Ostschwiiz | Nordostschwiiz | Nordwestschwiiz | Innerschwiiz Sproochlich prägt: Düütschschwiiz | Wälschland | Italienischi Schwiiz | Rätoromanischi Schwiiz