Islamisches Opferfest
From Wikipedia, the free encyclopedia
From Wikipedia, the free encyclopedia
S Opferfest (arabisch عيد الأضحى, DMG ʿĪdu l-Aḍḥā) isch s höggste islamische Fest. Es wird zum Höhepunkt vom Haddsch gfiirt, dr Wallfaart uf Mekka. Es foot am Zääte vom islamische Monet Dhū l-Hiddscha aa und goot vier Dääg lang. Wägen em islamische Mondkaländer cha s Opferfest in jedere Jooreszit stattfinde, es verschiebt sich im Sunnekaländer ruggwärts, jedes Joor mäistens um elf Dääg.
Mit em 'Īd al-fitr, em Fest vom Fastebräche am Ändi vom Fastemonet Ramadan, ghört s zu de bedütendste Festligkäite im islamische Jooreskräis.
S Opferfest wird zum Gedänke an dr Brofeet Ibrahim (Abraham) gfiirt, wo noch dr muslimische Überliiferig die göttligi Broob bestande het und baraat gsi isch, Allah si Soon Ismael z opfere. Wo Allah (Gott) si Gottvertraue gsee het, het er en aaghalte. Dr Ibrahim und dr Ismail häi druf voll Dankbarkäit im Kräis vo Fründ und Bedürftige e Schoofsbock gopferet. D Gschicht wird im Koran in dr Sure 37,99–113 verzelt. In dr Bible isch s d Gschicht vom Opfer vom Isaak (Genesis, 22, 1–19).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
