en Roman vom Schwizer Schriftsteller Max Frisch From Wikipedia, the free encyclopedia
Homo faber. Ein Bericht isch e Roman vom Schwiizer Schriftsteller Max Frisch. Nach synere Veröffentlichung im Oktober 1957 isch er zum Bestseller und eim vo de bekannteste Prosawärch vom Frisch worde. De Roman isch vilfach übersetzt worde und wird hüüfig i Undersuechige vo de Literaturwüsseschaft und im Schuelunderricht behandlet. De Volker Schlöndorff het de Roman 1991 als Homo Faber verfilmt.
De Titel vom Roman isch es Wortspil mit de Hauptfigur, em Walter Faber, und em anthropologische Begriff homo faber für de schaffendi Mänsch. De Walter Faber isch en Ingenieur mit eme sträng rationale, technisch oriäntierte Wältbild. De Zuefall und di verdrängti Vergangeheit bräched i sys ggordnete Läbe yy. Dur e Verchettig vo unwahrschinliche Ereigniss trifft er nachenand uf sy verstorbnig Jugedfründ, syni unvergässeni Jugedliebi und syni Tochter. Wil er nid gwüsst het, dass di jungi Frau syni Tochter gaht er en inzestuösi Liebesbeziehig mit iren yy, wo zunere Tragödie füehrt. Erst am Schluss gseht er syni Verfählige und Versüümniss yy. Er isch todchrank und will sys Läbe chehre.
Näbe Elemänt us synere Autobiografy het de Max Frisch im Roman Homo faber es paar Chärntheme vo sym Wärch verarbeitet: de Konflikt zwüsched de persönliche Identität und de soziale Rolle, d Bestimmig vom Dasyy dur Zuefall oder Schicksal, de Gägesatz zwüsched Technik und Natur oder Mythos, schlächti Beziehige zwüsched de Gschlächter und s verfählte Läbe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.