From Wikipedia, the free encyclopedia
Hindi (h. हिन्दी Hindī) isch e noiindischi Sprooch, wo im nördliche Indie gredt werd. Di pakistanischi Variante vom Hindi isch s Urdu. S Hindi werd i de Devanagari gschribe, s Urdu aber inere Variante vo de Arabische Schrift. Baid Variante stönd ganz nöch binenand, s Urdu het aber vill arabischi und persischi Uusdrück uufgnoo, bsunders im religiöse Wortschatz. Streng gnoo werd s Hindi vo de Hindu und s Urdu vo de Muslim bruucht. Baid Variante wered mengisch zäme as Hindustani bizaichnet.
Hindi (हिन्दी) | ||
---|---|---|
Verbreitig: | Indie | |
Sprecher: | Gschätzti 370 Millioone Muetersproochler, 155 Millioone Zwäitsproochler | |
Linguistischi Klassifikation: |
| |
Offizieller Status | ||
Amtssprooch vo: | Indie, Bundesstaate Uttar Pradesh, Rajasthan, Madhya Pradesh, Bihar, Haryana, Himachal Pradesh, Jharkhand, Chhattisgarh, Uttarakhand, Delhi, Chandigarh, Adamane und Nikobare | |
Sproochchürzel | ||
ISO 639-1 |
hi | |
ISO 639-2 |
hin | |
ISO 639-3 |
hin |
S Hindi ghört zu de indoiranische Gruppe vo de indoueropäische Sproochfamili und het imene Tail vom nördliche Indie s Prakrit abglööst. S Hindi isch sit em 11. Joorhundert öberliferet und het drai Schriftvariante entwicklet: s Khariboli (»Raini Sprooch«), wo um Delhi ume dihai gsii isch, s Braj um d Stadt Mathura a de Yamuna und s Awadhi um Awadh ume. S Urdu as vierti Variante isch a de Hööf vo de Mogule entstande, de muslimische Herrscher öber Indie im Mittelalter. D Amtssprooch aber isch s Persische gsii.
Ane 1947 isch s Urdu offizieli Sprooch vo Pakistan wore, wääred Indie s Hindi und s Urdu as Amtssprooch anerchennt het. D Spanige zwöschet de baide Religione hend dezue gfüert, as arabischi und persischi Wörter im Hindi dör noji Wörter usem Sanskrit ersetzt wore sind.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.