![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8d/ACDC-Hughes-long_ago.jpg/640px-ACDC-Hughes-long_ago.jpg&w=640&q=50)
Hardrock
From Wikipedia, the free encyclopedia
Dr Hard Rock oder Hardrock isch e Stilrichdig in dr Rockmuusik, wo herter gspiilt wird. Umgangssproochlig wird Hard Rock vilmol falsch as Überbegriff für e Räije vo Stilrichdige in dr Rockmuusig brucht, wie Punk, Grunge, oder Industrial Rock, zum die vo Spiilarte wie em Pop-Rock abzgränze, wo radiokompatibler si. In dr Fachsprooch isch dr Begriff änger umrisse und bezäichnet e Muusigstil, wo sini Wurzle in verschiidene Schaner wie em Psychedelic Rock vo de 1960er-Joor, em Bluesrock und em Rock ’n’ Roll het. Dr Hardrock isch au dur d Beatmusik vo de 1960er Joor beiiflusst worde. Vom Ändi vo de 1960er bis zum Aafang vo de 1990er isch dr Hardrock bsundrigs populär gsi.[1]
![Thumb image](http://upload.wikimedia.org/wikipedia/commons/thumb/8/8d/ACDC-Hughes-long_ago.jpg/640px-ACDC-Hughes-long_ago.jpg)
In de 1970er-Joor isch us em Hard Rock Heavy Metal entstande, aber lang het mä d Bands nit äidütig im äinte oder em andere Schaner chönne zuewiise. Musikalisch gsee isch dr Hard Rock im Vergliich zum Heavy Metal e chli sterker am Mainstream orientiert. Dorum häi vili vo sine Verdräter mee Erfolg in de Charts ghaa.