![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/70/Grenz%25C3%25BCbergang_Basel-Kleinh%25C3%25BCningen_-_Weil_am_Rhein-Friedlingen.jpg/640px-Grenz%25C3%25BCbergang_Basel-Kleinh%25C3%25BCningen_-_Weil_am_Rhein-Friedlingen.jpg&w=640&q=50)
Gränzübbergang
From Wikipedia, the free encyclopedia
An èm Gränzübbergang, au Gränzübbertrittsschtell odder Gränzübbergangsschtell (GÜST bzw. GÜSt; DDR-Bezeichnig), ka d Gränz zwûschè zwei Staatè legal übberquert wörrè. Dõby isch dè Begriff Staat in èm witerè Sinn z voschtòò, well au Demarkationslinniè zuè autonomè Gebièt de facto als Gränz wûrkè könned, z. B. zwûschè dè Republik Zûperè un Nordzûperè. Bim Übbertritt könned, abhängig vom Y- bzw. Uusreiseschtaat, diversi Formalitätè volangt wörrè.
![Thumb image](http://upload.wikimedia.org/wikipedia/commons/thumb/7/70/Grenz%C3%BCbergang_Basel-Kleinh%C3%BCningen_-_Weil_am_Rhein-Friedlingen.jpg/640px-Grenz%C3%BCbergang_Basel-Kleinh%C3%BCningen_-_Weil_am_Rhein-Friedlingen.jpg)
![Thumb image](http://upload.wikimedia.org/wikipedia/commons/thumb/c/ce/Bundesarchiv_Bild_101I-017-1065-44A%2C_Frankreich%2C_Demarkationslinie%2C_Kontrollposten.jpg/640px-Bundesarchiv_Bild_101I-017-1065-44A%2C_Frankreich%2C_Demarkationslinie%2C_Kontrollposten.jpg)
Gränzübbergäng dièned nebbè m gregeltè Gränzübbertritt oft dè routinemäßigè Kontroll vom Personè- un Güètervokeer. Zyl dõby isch es, illegali Gränzübbertritt un Schmuggel z vohinderè. Temporär erfülled selli Kontrollè au Abrigelungszwèck, um sich vo Schaddè- odder Chriègsereigniss im Nõchbòrland abzgränzè. So sin 1986 aalässlich vo dè Reaktorkataschtrophè vo Tschernobûl a dè Gränz nõch Weschteuropa Menschè un Güèter uff radioaktivi Kontamination untersucht worrè un ggf. greinigèt odder abgwisè worrè. Voschtärkti Kontrollè finded au im Zämmèhang mit Fahndigsmaßnaamè statt.
Für d Gränzkontrollè sin diè jewyligè Behördè vom Gränzschutz un dè Zollvowaltig zuèschtändig. Dè Umgang vo dè beidè Nõchbòrschtaatè mitenand beschtimmt au d Form vo dè Gränzkontrollè, wo denn strenger odder lockerer gehandhaabt wörred. Well selli èn Deil vom jewyligè Gränzschutzkonzept sin, cha mò a stark gschütztè Gränzè au strengi Kontrollè erwartè. Entschprèchend sin d Kontrollè an èrè sognanntè grüènè Gränz i dè Regèl wenniger streng odder wörred gar nit bzw. nu stichprobèartig odder im konkretè Vodachtsfall vorgnõ.