Gippige
es Dorf bi Lüggere im Aargau / From Wikipedia, the free encyclopedia
Gippige isch es Doorff und en Ortsteil vo dr Gmeind Lüggere im Kanton Aargau.
D Ortschaft lyt im undere Aaretal uf dr Weschtsyte vom Chlingnauer Stausee. Dr See und dr Wald vom Gippiger Grien sind groossi Naturschutzpiet.
S Dorf isch im Früemittelalter, öpen im sibete Joorhundert entstande, wo d Alemanne is Land südlich vom Rhy cho sind. Der Ortsname mit der Ändig -inge chunt us säbere Zyt. Gippige isch spöter im Piet vom Chilchspiil gsi, wo s Zäntrum bi der Chile z Lüggere gha het. 1669 het me z Gippige en eigeti Chappele bout. 1816 isch s Chilchspiil i die drüü Gmeinde Böttschde, Lüggeren und Oberlöibschtel ufdeilt worde.
Wytume bekanti Sportaläss sin dr Gippiger Stauseelauf un s Velorenne Groosse Prys vom Kanton Aargau.