From Wikipedia, the free encyclopedia
Getzis (hochdütsch Götzis) isch a Marktgmoand mit 12.041 Iiwohner i dr Kummaberg-Region im Bezirk Fealdkirch z Vorarlberg, Öschtriich.
Getzis | ||
---|---|---|
![]() |
||
Basisdate | ||
Staat: | Östriich | |
Bundesland: | Vorarlberg | |
Politische Bezirk: | Feldkirch | |
Kfz-Kennzeiche: | FK | |
Fläche: | km² | 14,62|
Koordinate: | 47° 20′ N, 9° 38′ O | |
Höchi: | 448 m ü. A. | |
Iiwohner: | 12.041 (1. Jän. 2023) | |
Bevölkerigsdichti: | 823,6 Iiw. pro km² | |
Poschtleitzahl: | 6840 | |
Vorwahl: | 05523 | |
Gmoandskennziffer: | 8 04 08 | |
NUTS-Region | AT342 | |
Adress vo dr Gmoandsverwaltig: |
Bahnhofstraße 15 6840 Getzis | |
Website: | ||
Politik | ||
Burgermoaschter: | Christian Loacker | |
Gmoandsvertrettig: (2015) (30 Mitgliider) |
||
Lag vo dr Marktgemeinde Getzis im Bezirk Feldkirch | ||
![]() | ||
![]() Getzis vom Kummaberg us | ||
(Quelle: Gmoanddate bi Statistik Austria) |
Dialäkt: Vorarlbärgisch |
Dr Kern vo dr Gmoand Getzis lit im Vorarlberger Rhital uf 448 Meter Höhe. Dr tüfschte Punkt vo dr Gmoand lit uf 410 m i dr Talsohla und dr högscht uf 1.645 m uf dr Hoha Kugl. Vo dr ganza Fläche sind im Johr 1996 33,4 % Landwirtschaftsfläch, 44,6 % Wald, 0,4 % Alpa, 14,1 % Sidlungsfläche und 7,4 % sunschtige Fläche gsi.[1]
Getzis grenzt a sechs andre Vorarlberger Gmoanda (im Uhrzoagersinn vo Nord noch Wescht): Ems isch di uanzig wo im Bezirk Dorabira lit; alle andra, nämli Fraxra, Kluus, Kobla, Mäder und Alta ligend wia Getzis im Bezirk Fealdkirch.
Getzis isch im rätischa Reichsurbar s erschtmol as Cazeses gnennt wora. Um 1000 n. Chr. isch um dia alt Kircha an klenna Dorfkern entstanda. 1375 isch dia Grofschaft Fealdkirch vrkoft wora und Getzis mit deam i dr Bsitz vo dr Habsburger koh. Am 15. Mai 1694 isch Getzis a Marktgmoand wora.
Am 1. Jänner 1801 hot ma Getzis und Alta politisch trennt, und Getzis isch so a uagaständige Gmoand wora. Im Erschta Wealtkriag (1914–1918) hond ebba 800 Mä vo Getzis in Kriag müassa, 152 sind gfalla oder sind i dr Johr druf a dr Folga gstorba. 233 Getzner hond im Zweita Wealtkriag (1939–1945) s Leaba loh.
Quella: Statistik Austria: Bevölkerung seit 1869 für Gemeinden. STATcube
Johr | 1869 | 1880 | 1890 | 1900 | 1910 | 1923 | 1934 | 1939 |
Iiwohner | 2.534 | 2.701 | 2.982 | 3.370 | 4.013 | 3.773 | 4.052 | 4.171 |
Johr | 1951 | 1961 | 1971 | 1981 | 1991 | 2001 | 2011 | 2021 |
Iiwohner | 5.435 | 7.034 | 8.292 | 8.735 | 9.512 | 10.095 | 10.757 | 11.768 |
D Gmoandsvertreatig hot 30 Mitglider. Noch dr Wahl 2010 hot d ÖVP 17, dia Grüana 6, d SPÖ 5 und d FPÖ 2 Mandat.
Bürgermoaschtr isch sit 2014 dr Christian Loacker.
Im Johr 2004 hots z Getzis ebba 450 Firmana mit ebba 3.600 Bschäftigta gia. Dia gröschta und bekannteschta mit Stammsitz z Getzis sind Mepla-Alfit, Sola Messwerkzeuge und Huber Tricot. Wichtig isch o dr Vorarlberger Würtschaftspark (VWP) und däs Betriebsgebiet Hopbach.
Getzis würd vo mehrna Landesstroßa durchquert, hot an Halbaschluß ad A14 (Rheintal/Walgauautobahn) und an ÖBB-Bahnhof a dr Vorarlbergbahn Richtung Breagaz und Bludaz. Scho sit langem gits an Ortsbus, wo ma im Johr 2008 zum Ortsbus amKumma usbaut hot. Hüt vrbindet er mit füf Linia Getzis, Alta und Mäder.
Getzis hot sieba Kindergärta, vier Volksschuala, a Sonderpädagogischs Zentrum und a Musikmittlschual, wo dia gröscht Mittlschual z Vorarlberg isch. Mim BORG Getzis hots o a Allgmoanbildende Höhere Schual im Ort. Sit 1990 gits im Vorarlberger Würtschaftspark a Schual für Sozialbetreuigsbruaf, dia Kathi-Lampert-Schual.
Dr Dialekt vo Getzis khört zum Bodeseealemannisch.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.