Die Göttligi Komödie vom Dante Alighieri
From Wikipedia, the free encyclopedia
D Commedia (italiänisch für Komödie) isch s Hauptwärk vom italiänische Dichder Dante Alighieri (1265–1321). Hützudags säit men em Wärk hüfig Divina Commedia, das häisst „Göttligi Komödie“, e Naame wo dr Boccaccio brägt het. Si isch entstande, wo dr Dante im Exil gläbt het. Woorschinlig het er sä 1307 aagfange und er isch erst churz vor sim Dood ferdig worde. Si gältet as die bedütendsti Dichdig in dr italiänische Liddratuur und as äins vo de grösste Wärk vo dr Wältliddratuur.
D Commedia isch en epischs Wärk in griimte Elfsilber, und het im Ganze 14.233 Värs, wo noch em Brinzip vo dr terza rima griimt si. Si isch in drei Büecher oder Cantiche iidäilt und bestoot us hundert (34, 33 und 33) Gsäng (canti).