dytschi Hochschuel From Wikipedia, the free encyclopedia
Freie Universität Berlin | |
---|---|
Motto | Veritas, Iustitia, Libertas (Dütsch: Wooret, Grächdikäit, Freihäit) |
Gründig | 1948[1] |
Drägerschaft | staatlig |
Ort | Berliin |
Bundesland | ![]() |
Land | ![]() |
Bresidänt | Günter M. Ziegler[2] |
Studänt*ene | 38'304 (WS 2019/20)[3] |
Mitarbeiter*ne | 4'550 (2021)[4] |
drvo Profässer*ne | 358 (2018), inkl. 48 Brofässer mit usseruniwersitääre Forschigsiirichdige, zuesätzlig 127 Juniorbrofässer.[4] |
Johresbudget | 601,4 Mio. € (2020)[5] Drittmittel: 118,4 Mio. € |
Netzwärch | Deutsch-Französische Hochschule (DFH), German U15, Una Europa, Berlin University Alliance |
Website | www.fu-berlin.de |
Die Freiji Uniwersidäät Berliin (churz FU Berliin) isch 1948 gründet worde. Ire zentraal Kampus isch in Berlin-Dahlem im Bezirk Steglitz-Zehlendorf. Dr Zaal vo de Studänte nooch ghöört si zu de 20 grösste Hoochschuele z Dütschland.
Im Zuug vo dr „Exzellänziniziatiive“ 2007 und 2012 isch die Freiji Uniwersidäät as die ersti „Exzellänzuniwersidäät“ vo Berliin uszäichnet worde. As Iirichdig vom Verbund vo dr Berlin University Alliance isch d FU Berliin 2019 im Raame vo dr Exzellänzstrategii in die zwäiti Förderlinie ufgno worde.[6]
D Uniwersidäät isch noch dr Alexander-von-Humboldt-Stifdig der Studieort z Dütschland, wo die internazionaale Spitzewüsseschaftler und Jungakademiker am hüfigste vorzooge häi.[7] Bis zum Joor 2020 het si 18 Leibnizbriisdreeger füürebrocht.
D Forderig z Berliin e freiji Uniwersidäät ufzdue isch as Reakzioon uf die politische Gängelig vo de Leerer und Studänte an dr Berliner Universität cho, wo im sowjetische Sektor glääge isch. No wääred dr Berliiner Blockaade isch d Iirichdig von ere freije Uniwersidäät gnäämigt worde. Si isch as e Körperschaft vom öffentlige Rächt gründet worde und mit ere starke Sälbstverwaltig und isch nit diräkt em Staat understellt gsi, sondern eme Kuratorium (Stiftigsroot).
Scho im erste Semester het s an dr FU Berliin 2140 Studänte gha; 1949 si s scho 4946 gsi. Bis zum Bau vo dr Berliiner Muure 1961 si e Hufe Studänte us Ostberliin cho. 1956 het die Freiji Uniwersidäät Berliin as ersti dütschi Uniwersidäät e Magisterbrüefigsornig iigfüert.
In de spoote 1960er Joor isch d FU äins vo de Zentrum vo dr 68er Beweegig und dr Usserparlamentaarische Opposizioon (APO) in Dütschland gsi, wo under andere d FU-Studänte Rudi Dutschke und Benno Ohnesorg drzue ghöört häi uhnd wo zu Reforme im Uniwersidäätslääbe gfüert häi.
1977 het die Neue Studentenbewegung d Vorherrschaft vo de radikaale maoistische K-Grubbe und de Studenteverbänd, wo us dr 68er-Beweegig gstammt häi und DDR-höörig gsi si, broche.
D Zaal vo de Studänte isch e Zitlilang hööcher as 60'000 gsi, isch denn aber wäge meerere Maasnaame stark zrugggange.
Dr Ardikel «Freie Universität Berlin» uf dr dütsche Wikipedia
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.