![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c3/AdornoHorkheimerHabermasbyJeremyJShapiro2.png/640px-AdornoHorkheimerHabermasbyJeremyJShapiro2.png&w=640&q=50)
D Frankfurter Schuel
e Grubbe vo Filosoofe und Wüsseschaftler us verschiidene Diszipline, wo s Zentrum von ene s Instidut für Sozialforschig z Frankfurt gsi isch / From Wikipedia, the free encyclopedia
As Frankfurter Schuel wird e Grubbe vo Filosoofe und Wüsseschaftler us verschiidene Diszipline bezäichnet, wo an d Theorie vom Hegel, Marx und Freud aaknüpft häi und wo s Zentrum von ene s Instidut für Sozialforschig gsi isch, wo 1924 z Frankfurt am Main ufdoo worde isch. Si wärde au as Verdräter vo dr Kritische Theorii aagluegt, wo dört begründet worde isch.
![Thumb image](http://upload.wikimedia.org/wikipedia/commons/thumb/c/c3/AdornoHorkheimerHabermasbyJeremyJShapiro2.png/640px-AdornoHorkheimerHabermasbyJeremyJShapiro2.png)
D Bezäichnig Kritischi Theorii goot uf e Ditel vom brogrammatische Ufsatz Traditionelle und kritische Theorie vom Max Horkheimer us em Joor 1937 zrugg. As Hauptwärk vo dr Schuel gältet s Buech Dialektik der Aufklärung, wo dr Horkheimer und dr Theodor W. Adorno 1944 bis 1947 gmäinsam verfasst häi und iim wäge sim esseyistische Charakter dr Underditel Philosophische Fragmente gee häi.