Festig i Aarbig From Wikipedia, the free encyclopedia
D Festig Aarburg isch e mächtigi Burg im Südweschte vom Kanton Aargau.
Festig Aarburg | ||
---|---|---|
![]() Festig Aarburg | ||
Entstehigsziit: | 1123 | |
Burgetyp: | Spornburg | |
Erhaltigszuestand: | erhalte | |
Ort: | Aarburg | |
Geografischi Lag: | 47° 19′ 17,9″ N, 7° 54′ 3,4″ O | |
Höchi: | 405 m | |
|
Si stoot hööch über em Stedtli Aarburg uf eme länge und steile Felssporn. D Feschtig isch us ere mittelalterlige Burg entstande, wo d Ängstell an dr Aare kontrolliert het, und si het as Sitz vom Aarburger Landvogt dient.
Dr Oort ghöört zu de Kulturgüeter vo nazionaler Bedütig im Kanton Aargau. Hüte befindet sich in dr Festig s Kantonale Jugendheim, wo Jugendligi, won e Jugendstrof abbüesse, verwahrt wärde.
Uf em schmale, lang gstreckte Fälsgroot stöhn dr Bärgfriid und dr Palas wo dr Chärn vo dr Alage bilde. Beidi Gebäud si vom Afang vom 13. Johrhundert. Dr Bärgfriid, wo 3 bis 3,5 Meter dicki Muure het, bestoht vollständig us Chalchstei; dr underst Stock isch us em Felse useghaue worde. S zältartige Satteldach isch 1557 ufgsetzt worde. Au d Muure vom Palas bestöhn us Chalchstei. 1621/22 isch uf dr Südsiite e zuesätzlige Wohndrakt mit eme Stägedurm abaut worde. An dr Nordost- und Westsiite befinde sich monumentali Befestigungsbauwärk. An dr Südostsiite isch dr Zälledrakt vo dr Zwangserziehigsastalt für Jugendligi us em 19. Johrhundert gsi, wo 1954/55 mit eme Wohnhuus für d Erziehigsastalt ersetzt worden isch, wo sich harmonisch in die historischi Bausubstanz iifüegt.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.