De Epiteles (altgriech. Ἐπιτέλης), Soo vom Aischines, isch en argivische Feldherr gsii. Er isch zäme mit em Epameinondas de Gründer vo de Stadt Messene gsii. Er werd nume bim Pausanias gnennt imene legendehafte Zämehang, so ass sini Historizität nöd sicher isch.
Noch de Öberliferig söll em Epiteles de Kaukon im Tromm erschune sii und em gsait haa, er söli uf de Ithome grabe, wo en Iibe und e Myrte wachsi und di alti Frau bifraie, wo inere Bronzechammere oomächtig gfange ligi. De Epiteles heb denn am morge a de gnennte Stell e Bronzegfäss, e Hydria, uusgrabe. I dem sai e Zinnblech dine gsii, zemegrollt wiene Buechrolle, mit de uufgschribnige Reglige vo de Mysterie vo de Groosse Göttine. Die Hydria aber söll, noch de messenische Saag, de Aristomenes vergrabe haa. Ahand vo dem Fund sind denn d Mysterie im Karnasische Hain ernoieret wore.
- Pausanias: Reise z Griecheland 4.26.7f.
- Kirchner: Epiteles 1. In: Paulys Realencyclopädie der classischen Altertumswissenschaft (RE). Band VI,1, Stuttgart 1907, Sp. 220 (Kommentar).
- Fritz Graf: Lesser Mysteries - not less mysterious; i: Michael B. Cosmopoulos (Hsg.): Greek Mysteries: The Archaeology of Ancient Greek Secret Cults; Routledge 2003. ISBN 0-0415-24673-6. S. 243.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
