Edle vo Eppeberg
From Wikipedia, the free encyclopedia
Di Edle vo Eppeberg sind e mittelalterlichs Ministralgschlecht gsii, wo em nidrige Adel aaghört hend. Eri Stammborg isch ufem Eppeberg oberhalb vo Bichwil i de toggeborgische Gmaind Oberuzwil gstande. Ene isch d Herrschaft Bichwil understande. S Gschlecht isch zudem eng verbunde mit de Frauechlöster Chlöster Maggenau (bi Tegersche), Fischinge und Tänike (bi Aadorf TG). Di maiste Aaghörigi hend Hainrich oder Chuonrat ghaisse.