Di Demokratischi Volkspartei (DVP), nöd z verwechsle mit dr Düütsche Volkspartei, isch hüt under em Name FDP/DVP dr Landesverband Baden-Württemberg vo dr FDP.
| Demokratische Volkspartei | |
|---|---|
| Parteivorsitz | Birgit Homburger |
| Gründigsort | Nord-Württebärg, Neckar-Region |
| Bundestagsmandat | 9 |
| Mitgliiderzahl | 7.300 |
| Mindeschtalter | 16jöhrig |
| Websiite | http://fdp-dvp-fraktion.de/home.php |
| Dialäkt: Züridütsch (See) |
Düütsches Riich
D DVP isch im Königriich Württemberg i de 1860er-Jahre ggründet worde und isch dr Zämeschluss vo viilne demokratische Revolutionäre vo 1848. Sie isch lang di beschtimmendi politisch Chraft im "Ländle" gsii. Bi dr Gründig vo dr Düütsche Demokratische Partei (1919) händ sich d "Demokrate", wie sie vo dr Bevölkerig nur gnännt worde sind, dere linksliberale Partei aagschlosse und sind dene ihre Württemberger Landesverband worde. 1933 händ sie sich uf Druck vo de Nationalsozialischte ufglöst, um eme Verbot zuvor zchoo.
Bundesrepublik Düütschland
1945 isch d DVP vo liberale Persönlichkeite wie em Theodor Heuss und em Reinhold Maier wiederggründet worde. Sie hät sich 1948 a dr Gründig vo dr FDP in Heppeheim beteiliget und isch sither dr entschprächendi Landesverband, zerscht in Württemberg-Bade und Württemberg-Hohezollere, nach Gründig vom Land Bade-Württemberg under dr Bezeichnig FDP/DVP im gsamte Südweschtschtaat. Mit em Reinhold Maier (i Württemberg-Bade und Bade-Württemberg) hät d DVP de einzig liberali Minischterpräsident i dr Bundesrepublik Düütschland gschtellt. D DVP isch dr einzigi FDP-Landesverband, wo no nie a dr Fünf-Prozent-Hürde gscheiteret isch.
Derzeitigi Vorsitzendi isch di Bundestagsabgeordneti Birgit Homburger.
Bundestagswahlergebnisse in Bade-Württemberg
- 1949: Württemberg-Bade: 18,2% - 7 Sitz / Württemberg-Hohezollere: 15,3% - 1 Sitz
- 1953: 12,7% - 9 Sitz
- 1957: 14,4% - 11 Sitz
- 1961: 16,6% - 12 Sitz
- 1965: 13,1% - 10 Sitz
- 1969: 7,5% - 6 Sitz
- 1972: 10,2% - 8 Sitz
- 1976: 9,1% - 7 Sitz
- 1980: 12,0% - 9 Sitz
- 1983: 9,0% - 7 Sitz
- 1987: 12,0% - 9 Sitz
- 1990: 12,3% - 10 Sitz
- 1994: 9,9% - 8 Sitz
- 1998: 8,8% - 7 Sitz
- 2002: 7,8% - 6 Sitz
- 2005: 11,9% - 9 Sitz
Landtagswahle
Württemberg-Bade
- 1946: 19,5% - 19 Sitz
- 1950: 21,1% - 22 Sitz
Württemberg-Hohezollere
- 1947: 17,7% - 11 Sitz
Bade-Württemberg
- 1952: 18,0% - 23 Sitz
- 1956: 16,6% - 21 Sitz
- 1960: 15,6% - 18 Sitz
- 1964: 13,1% - 14 Sitz
- 1968: 14,4% - 18 Sitz
- 1972: 8,9% - 10 Sitz
- 1976: 7,8% - 9 Sitz
- 1980: 8,3% - 10 Sitz
- 1984: 7,2% - 8 Sitz
- 1988: 5,9% - 7 Sitz
- 1992: 5,9% - 8 Sitz
- 1996: 9,6% - 14 Sitz
- 2001: 8,1% - 10 Sitz
- 2006: 10,7% - 15 Sitz
- Paul Rothmund, Erhard R. Wiehn, Die FDP/DVP in Baden-Württemberg und ihre Geschichte, Stuttgart 1979.
 |
Dä Artikel basiert uff ere fräie Übersetzig vum Artikel „Demokratische_Volkspartei_(Deutschland)“ vu de dütsche Wikipedia. E Liste vu de Autore un Versione isch do z finde. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
