![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/73/Venus_Drawing.jpg/640px-Venus_Drawing.jpg&w=640&q=50)
Dr Astronom Charles Green
From Wikipedia, the free encyclopedia
Dr Charles Green (* Dezämber 1735 z Swinton bi Rotherham, South Yorkshire, Ängland; † 29. Januar 1771 uf dr Faart vo Batavia zum Kap vo dr Guete Hoffnig) isch e britische Astronom gsi.
Vo 1760 isch er Assistänt vom Astronomer Royal James Bradley am Observatorium vo Greenwich gsi und denn vo däm sim Noochfolger Nathaniel Bliss. Er hät äigentlig au für e Nevil Maskelyne sölle schaffe, wo dä im Merz 1765 noch em Dood vom Bliss zum Astronomer Royal ernennt worde isch. Dr Green het s aber vorzooge, e Schiffszaalmäisterboste z übernee.
![Thumb image](http://upload.wikimedia.org/wikipedia/commons/thumb/7/73/Venus_Drawing.jpg/640px-Venus_Drawing.jpg)
Dr Maskelyne het en 1768 für die ersti Südseeräis vom James Cook empfoole. Si Ufgoob isch s gsi, zämme mit em Joseph Banks für d Royal Society uf Otaheite dr Venustransit vom 3. Juni 1769 z mässe. Dr Green isch uf dr Häimräis vo Batavia noch 12 Dääg uf See an Dysenterii gstorbe.