Carlos Alazraqui
From Wikipedia, the free encyclopedia
Dr Carlos Jaime Alazraqui (* 20. Juli 1962 z Yonkers, New York) isch e US-amerikanische Schauspiiler un Synchronsprächer.
Dr Alazraqui isch z Yonkers im Bundesstaat New York uf d Wält chuu as Chind vu argentinische Eltere. Ase jung isch er mit syre Familie uf Concord z Kalifornie zoge. Är isch z Sacramento uf s College gange un het dert vu 1982 bis 1986 an dr California State University studiert. Noch em Studium isch er uf Los Angeles zoge, wun er bis hit mit syre Frau un zwai Chinder läbt.
Bekannt isch dr Alazraqui vor allem as Synchronsprächer, zum Byschpel as Stimm vum Bobbi Fabulous in Phineas and Ferb, vum Denzel Q. Crocker un Juandissimo Magnifico in The Fairly OddParents! («Cosmo und Wanda – Wenn Elfen helfen»), vu Rocko un Spunky in Rocko's Modern Life («Rockos modernes Leben»), Lazlo un Clam in Camp Lazlo un vum Mr. Weed in Family Guy.
As Schauspiiler het er unter anderem in dr US-amerikanische Serie Reno 911! un Tripp’s Rockband mitgspiilt.