Céligny
From Wikipedia, the free encyclopedia
Céligny (frankoprovenzalisch [a flɘˈɲi][2]) isch e bolitischi Gmai im Kanton Gämf in dr Schwyz.
| Céligny | |
|---|---|
 | |
| Basisdate | |
| Staat: | Schwiiz |
| Kanton: | Gämf (GE) |
| Bezirk: | (De Kanton Gämf kennt ke Bezirk.) |
| BFS-Nr.: | 6610 |
| Poschtleitzahl: | 1298 |
| Koordinate: | 504655 / 133936 |
| Höchi: | 430 m ü. M. |
| Flächi: | 4.65 km² |
| Iiwohner: | 845 (31. Dezämber 2022)[1] |
| Website: | www.celigny.ch |
 | |
| Charte | |
 | |
Céligny isch e Enklave vum Kanton Gämf im Kanton Waadt am rächte Stade vum Gämfersee. Zue dr Gmai ghere s Dorf Céligny uf eme Biel iber em See, s Daal vu Le Brassus un d Enklave La Grande un La Petite Coudre. Dr Bann umfasst 64 % landwirtschaftligi Flechine, 19 % Wald, 11 % Sidligsflechine un 5 % Vercheersflechine.[3]
Nochbergmaine sin d Waadtländer Gmaine Crans-près-Céligny, Founex, Bogis-Bossey, Crassier, Chavannes-de-Bogis un Arnex-sur-Nyon.
Céligny isch zum erschte Mol gnännt wore anne 1163 as Siliniacum.
Quälle: Bundesamt für Statistik 2005[4]
| Johr | 1850 | 1860 | 1870 | 1880 | 1888 | 1900 | 1910 | 1920 |
| Yywohner | 312 | 298 | 305 | 357 | 357 | 390 | 380 | 430 |
| Johr | 1930 | 1941 | 1950 | 1960 | 1970 | 1980 | 1990 | 2000 |
| Yywohner | 379 | 381 | 415 | 489 | 468 | 506 | 633 | 599 |
De Uusländeraateil isch anne 2011 bi 29,0 % gläge.[3]
37,4 % vu dr Yywohner sin anne 2000 reformiert gsi, 29,5 % remisch-katholisch.[3]
Bi dr Nationalrotswahle 2011 het s des Ergebnis gee:[3] FDP 35,0 %, CVP 6,4 %, GLP 2,9 %, GP 9,8 %, MCR 4,1 %, SP 18,4 %, SVP 17,4 %, Sunschtigi 6,0 %.
Gmaindspresidänti isch d Marie-Beatrice Meriboute (Stand 2012).
Bi dr Volkszellig 2000 hän vu dr 599 Yywohner 487 Franzesisch as Hauptsproch aagee, 38 Dytsch, 2 Italienisch un 72 anderi Sproche.[3]
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn[5][6].
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
