Burg Gutenberg

D Burg Guetebärg isch e hochmittelalterligi Burg z Balzers, der südligste Gmeind vo Lichtestei.

Burg Gutenberg
Burg Guatabärg ob Baalzers Burg Guatabärg ob Baalzers
Entstehigsziit:	um 1100 bis 1200
Burgetyp:	Höheburg
Erhaltigszuestand:	Erhalte oder wäsentligi Deil drvo
Ort:	Balzers, Liechtestei
Geografischi Lag:	47° 3′ 54,7″ N, 9° 30′ 0,2″ O47.0651899.500069
Burg Gutenberg (Liechtenstein) Burg Gutenberg

p3

Blick vo Süde uf d Burg Guatabärg

Lag

D Burg Guetebärg, s Wohrzeiche vo Balzers, dront uf eme 70 Meter hoche Felsehügel über Balzers und em Rhiidal. An sine Südhäng wird scho sit der Römerzeit Wii abaut.

Dr Reney Wyss het se im ne Ardikel über d Usgrabige und Gschicht vom Areal 1978 als eini vo de ussergwöhnligste prähistorische Fundstettene im Alperuum bezeichnet. D Felseformation – uf dr Westsiite isch si vom Rhii umspüelt und sust vo Riedgebiet umge – isch scho in dr Jungsteiziit besiidlet gsi. Wohrscheinlig isch in dere Ziit dr Hügel als Kultplatz brucht worde, was diversi Fund belege.

Am Fuess vom Burghügel befindet sich s Huus Guetebärg.

Gschicht vo dr Burg

D Burg isch im 12. Johrhundert baut worde. Dr Name Guetebärg isch zum erste Mol 1263 erwähnt worde. Sit em 13. Johrhundert hai d Herre vo Frauebärg do residiert. 1314 isch d Burg in dr Bsitz vo de Habsburger cho und isch als Lääche verge worde und het as Wachboste gege d Helvetier dient, wo uf St. Luzisteig glageret hai. Die geschichtlige Überliiferige und e früehnere Bsitzer vo der Burg, der Minnesänger „Heinrich vo Frauebärg“ si Züüge vo zahlriiche Kämpf und Belagerige.

Im Alte Zürichrieg isch d Guetebärg abbrennt worde und isch wider ufbaut worde. 1499 het dr Kaiser Maximilian I. uf dr Burg übernachdet und im Schwobechrieg 1499 hai se d Eidgenosse ohni Erfolg belageret.

Noch em Dorfbrand vo 1795 het me s Holz us dr Burg as Baumaterial zum Wiiderufbau vom Dorf bruucht und si isch zur Ruine verfalle, bis dr Egon Rheinberger 1905 d Burg kauft het und se bis 1912 so restauriert het, wi si hüte no z gseh isch. Denn het d Gmeind Balzers d Burg kauft, het se aber nit lang chönne bhalte und het se wider verchauft. 1946 isch d Burg vom Graf Richard vo Vill kauft worde. D Filmmacher Hermine Kindle de Contreras-Torres († 2001) und Miguel de Contreras-Torres hai d Burg 1951 kauft und si die letzte private Bsitzer gsi. 1979 het s Land Liechtestei s Areal kauft. Die ehemoligi Bsitzere het aber s läbeslange Wohnrächt übercho.

1982 het me d Fundamänt vo der Chille St. Donatus, wo urkundlich beleit isch und 1780 abbroche worden isch, gfunde, wo im jetzige Innehof vo der Burg lige.

Luag au

 Commons: Burg Guatabärg – Sammlig vo Multimediadateie

• Burg Guatabärg uf de Wäbsite vor Gmaind
• Kultur-Treff Burg Gutenberg

Dä Artikel basiert uff ere fräie Übersetzig vum Artikel „Burg_Gutenberg“ vu de dütsche Wikipedia. E Liste vu de Autore un Versione isch do z finde.