Brythonisch

Di brythonische Sprooche sin e Grùppe vo keltische Sprooche. Si werde au als p-keltischi Sprooche oder Britannisch bezeichnet.

Brythonisch
Yordnig	Indogermanisch Keltisch Brythonisch
Undergruppe	(keini)
Verbreitig	Bretagne, Frankreich Frankriich

Brythonisch isch eini vo de zwei inselkeltische Sproochfamilie. Di andri isch s Goidelisch, wo au als Q-Keltisch oder Gälisch bezeichnet wird. Zue de brythonische Sprooche ghöre:

• s Walisisch
• s Kumbrisch, wo im Mittelalter ussgstorbe isch.
• s Bretonisch
• s Kornisch, wo im 18. Joorhùndert ussgstorbe isch, aber inzwüsche wiiderbeläbt wird.

Friener sin brythonischi Sprooche in ganz Britannie gschwätzt worde, spööter allerdings vùm Altänglische verdrängt worde. Do dezue ghöre s Kumbrisch (scho im Friemittelalter ussgstorbe) ùn vilycht au s Piktisch, wo chuum öbis devo bekannt isch. Di brythonische Sprooche sin derwyylscht de angelsäggsische Bsiidlig vo Ängland ge Weschte abdrängt worde.

Als p-keltischi Sprooche isch die brythonischi Sproochgrùpp eng mitem Gallische verwandt. Wie verschiide die Sprooche gsi sin, isch nit sicher.

D Klassifizierig in p- ùn q-keltischi Sprooche goot ùff d Luutverschiebig vùm indo-europäische kw zue p in de brythonische Sprooche, ùn zue k in de goidelische Sprooche, zrùgg.

Keltischi Sprooche Festlandkeltisch:  Galatisch † | Gallisch † | Keltiberisch † | Lepontisch † | Norisch † Inselkeltisch:  Britannisch:  Bretonisch | Kornisch | Kumbrisch † | Walisisch Goidelisch:  Irisch | Manx | Schottisch-Gälisch † usgstorbe