![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c2/Blaesitor-aquarelle-1840.jpg/640px-Blaesitor-aquarelle-1840.jpg&w=640&q=50)
S Bläsidoor
From Wikipedia, the free encyclopedia
S Bläsidoor isch en ehemoligs Stadtdoor vo dr Stadt Basel und emol Bestanddeil vo dr Basler Stadtmuure gsi. Es isch näben em Riechedoor s zweite Stadttor im Chleibasel gsi. Si Name chunnt vom Bläsi-Kloster, wo dr Verwalter drvo in dr Nöchi si Hof gha het. Es isch urkundlig 1256 zum erste Mol erwähnt worde und het zerst Isteinerdoor gheisse. Es isch au s «niidere Door» gsi im Gegesatz zum «oobere Door», wie män em Riechedoor au gsait het. Wäge dr St. Anna-Kapälle, wo sit 1407 vor em Door gstande isch,[1] het män em vo dere Zit aa au St. Annadoor gsait.[2]
![Thumb image](http://upload.wikimedia.org/wikipedia/commons/thumb/c/c2/Blaesitor-aquarelle-1840.jpg/640px-Blaesitor-aquarelle-1840.jpg)
Dialäkt: Baseldütsch |
![Thumb image](http://upload.wikimedia.org/wikipedia/commons/thumb/8/88/Merian_Basel_1642.jpg/640px-Merian_Basel_1642.jpg)
S Bläsidoor isch 1867 abgrisse worde, wo mä s Basler Stadterwiiterigsgsetz vo 1859 het afo umsetze.