Basso ostinato

Dr Basso ostinato isch e Spiilart vom musikalische Gstaltigsmiddel Ostinato, wo die grössti Verbräitig und Popularität ghaa het. Dr Basso ostinato isch gege s Ändi vom 16. Joorhundert entstande, öbbe zur Zit wo dr musikalisch Barock aagfange het und isch e kompositorischs Middel gsi, wo d Komponiste vil und gärn verwändet häi.

Wäärend s Ostinato irgende musikalischs Elimänt isch, wo sich immer wider widerhoolt, het dr Basso ostinato bsundrigs im Barock e gröösseri Bedütig ghaa. Sällere Epoche säit mä au s Generalbasszitalter, wil dr Bass d Fundamentalstimm vo dr Muusig gsi isch, und s harmonische Grundgrüst het sich im Bass manifestiert. Äänlig wie mä hüte Akkord bezäichnet, wo zum Bischbil eme begläitende Gitarrist oder Pianist dr harmonisch Ablauf vom ene Stück aazäige, het dennzumol d Bassstimm die Funkzioon übernoo und isch mit Ziffere aagee worde. Auf dem Bass Die ganzi musikalischi Handlig het schlussändlig uf em Bass basiert.

D Bassstimm isch dur e Basso ostinato stark reglementiert und isch s Fundamänt gsi, wo d Ooberstimme drüüber sich mit umso gröösserer Freihäit häi chönne beweege. Vilmol stönde also Komposizioone, wo uf eme Basso ostinato basiere, seer nooch zu musikalische Variazioone.

Bischbil

Die erste nüün Takt vom Kanon in D vom Johann Pachelbel: D Giige spiile e dreistimmige Kanon über dr Bass-Stimm, wo s Ostinato din isch. D Farbe kennzäichne do 3 vo im Ganze 28 Variazioone vom Thema vom Kanon.

Klavierbearbäitig vom Kanon (2min 51s)

• Johann Sebastian Bach, Crucifixus us dr h-Moll-Mäss
• Heinrich Ignaz Franz Biber, Sonate Nr. 7 us 12 Sonate für Drumbeete, Violine, Pauke und Basso continuo („Sonatae tam aris, quam aulis servientes“)
• Henry Purcell, Chaconne in g
• Claudio Monteverdi

Dä Artikel basiert uff ere fräie Übersetzig vum Artikel „Basso_ostinato“ vu de dütsche Wikipedia. E Liste vu de Autore un Versione isch do z finde.