Basileios II.

Dr Basileios II. dr Bulgaredööder (middelgriech. Basíleios Bulgaroktónos Βασίλειος ὁ Βουλγαροκτόνος, bulgarisch Василий българоубиец/Wasilij Bulgaroubiez; * 958 z Didymoticho; † 15. Dezämber 1025 z Konstantinopel) isch vo 976 bis 1025 Kaiser vom byzantinische Riich gsi. Er het zur Makedonische Dünastii ghöört. Si Regierigszit gältet allgemäin as e Glanzpunkt in dr byzantinische Gschicht.

Basileios II.
Kaiser vom Byzantinische Riich
Dr Basileios II.
Regierigsziit	Nominal vo 960 bis 976 (Mitkaiser vo sim Vater bis 963, vom Nikephoros II. bis 969, vom Johannes I. Tzimiskes bis 976). Eläinige Kaiser vom 10. Januar 976 – 15. Dezämber 1025
Uf d Wält cho	958
Geburtsort	Didymoticho
Gstorbe	15. Dezämber 1025 (im Alter vo 67)
Dodesort	Konstantinopel
Vorgänger	Johannes I.
Nochfolger	Konstantin VIII.

Lääbe

Bis zum Dood vom Johannes Tzimiskes 976 isch dr Basileios ywar Mitkaiser gsi, aber Macht het er käini gha. Wo dr Johannes gstorbe isch, het dr Bardas Skleros e Rebellioon aazettlet, wo aber rasch niidergschlaage worde isch. Dr Basileios het d Regierig aber erst chönne übernee, won er 985 si Groossunggle Basileios Parakoimomenos entmachdet het.

Es het denn en Ufstand vo de Groossgrundbsitzer gee (987–998), dr Wladimir I. vo Kiew het sich 989 lo daufe und im Basileios si Schwöster Anna ghürootet.

Im Chrieg mit de Bulgare het Byzanz zerst Niiderlage müesse iistecke, aber schliesslig het dr Basileios d Armee vom Zar Samuel vo Bulgarie 1014 in dr Schlacht vo Kleidion im Strymondaal (Struma) bi Petritsch besigt. Dr Basileios het druf dr Biinaame Bulgaroktónos (Bulgaredööder, -schlächter) übercho. D Kämpf si no witer gange bis 1018 die bulgarisch Hauptstadt Ohrid gfalle isch. Bulgarie isch e Browinz vom byzantinische Riich worde.

Denn het dr Basileios im Oste gege d Araber kämpft und het Armenie annektiert.

Kwelle

• Johannes Skylitzes, hrsg. von Johannes Koder: Byzanz wieder ein Weltreich. Das Zeitalter der Makedonische Dynastie. Teil 1: Ende des Bilderstreits und Makedonische Renaissance. Übersetzt, eingeleitet und erklärt von Hans Thrun, Verlag Stryria, Graz 1983, ISBN 3-222-10293-7

Liddratuur

• Catherine Holmes: Basil II and the Governance of Empire, 976–1025. Oxford University Press, Oxford 2005, ISBN 0-19-927968-3.
• Ralph-Johannes Lilie: Byzanz. Das zweite Rom. Siedler, Berlin 2003, S. 246–256, ISBN 3-88680-693-6 (kritische, auf dem neuesten Forschungsstand fußende Darstellung).
• John Julius Norwich: Byzanz: Auf dem Höhepunkt der Macht 800–1071, Econ, Düsseldorf 1994, ISBN 3-430-17162-8 (populärwissenschaftliche Darstellung).
• Paul Stephenson: The Legend of Basil the Bulgar-Slayer. Cambridge University Press, Cambridge 2003, ISBN 0-521-81530-4.
• Paul Meinrad Strässle: Krieg und Kriegführung in Byzanz. Die Kriege Kaiser Basileios' II. gegen die Bulgaren (976-1019). Böhlau, Köln 2006, ISBN 978-3-412-17405-7.

Weblingg

 Commons: Basileios II. – Sammlig vo Multimediadateie

• Catherine Holmes: Fachwüsseschaftligi Churzbiografii uf Änglisch us De Imperatoribus Romanis (inkl. Liddratuuraagoobe).

Vorgänger Johannes I.

Kaiser vo Byzanz 976–1025

Nochfolger Konstantin VIII.

Normdate: GND: 120911450 | LCCN: nr91018209 | SUDOC/IdRef: 071211926 | VIAF: 17379269

Dä Artikel basiert uff ere fräie Übersetzig vum Artikel „Basileios_II.“ vu de dütsche Wikipedia. E Liste vu de Autore un Versione isch do z finde.