Archimedischi Körper
From Wikipedia, the free encyclopedia
Die archimedische Körper si e Klass vo regelmäässige geometrische Körper. Charakteristisch für sä isch, ass mä iiri Egge nit vonenander cha underschäide. Je noch däm wie mä sä zelt, git s 13 oder 15 sonigi Körper. Si si noch em antike griechische Mathematiker Archimedes benennt, wo sä alli vermuetlig scho im dritte Joorhundert vor dr Zitewändi entdeggt het. D Schrift drüber vom Archimedes isch nit erhalte, es isch nume e Zämmefassig vom alexandrinische Mathematiker Pappos (4. Joorhundert noch dr Zitewändi) überliiferet.[1]
Die platonische Körper si e Klass vo geometrische Körper, wo no regelmäässiger si. Bi iine si au alli Fleche gliich.