D Aposchtel sind i dr Tradizion vo dr chrischtleche Chile die Lüüt, wo im Jesus sym Uuftrag dr Glaube bi de Völker verchünde. Die Gruppe heig dr Jesus us alne syne Jünger usgwäält.
Vo de Aposchtel prichtet d Bible rächt vil i de Evangelie und i dr Aposchtelgschicht.
Die vier Evangelie könne deils anderi Näme vo de Aposchtel; noch dr Überliferig i dr Chilegschicht het sech die Gruppe vo de zwölf erschte Aposchtel bildet:
- dr Simon Petrus
- dr Andreas
- dr Jakobus
- dr Johannes
- dr Philippus
- dr Bartholomäus
- dr Thomas
- dr Matthäus
- dr Jakobus
- dr Thaddäus
- dr Simon Kananäus
- dr Judas Iskariot
Statt em Judas isch nach dr Uffaart vo Chrischtus dr Matthias zu der Gruppe vo de Aposchtel cho.
Dr Paulus het Chrischtus erscht nach Pfingschte troffe; er wird derno scho i dr Aposchtelgschicht zu de früene Glaubensbote zellt, so wie au dr Barnabas.
Dr Name „Aposchtel“ het me sid em Middelalter deils au de Missionaar ggä. Im 8. Joorhundert isch dr Bonifatius vo Ängland zum düütsche Volch choo, und met het em dr „Aposchtel vo de Düütsche“ gseit. Dr Kyril und dr Method sind d „Aposchtel vo de Slawe“ und dr Heilig Mang dr „Aposchtel vom Allgäu“.
I dr römisch-katolische und dr orthodoxe Chile gälte d Bischöf als Nochfolger vo de erschte Lüüt, wo Chrischtus zu de Völker gschickt het. Im 19. Joorhundert sind katolisch-apostolischi Gmeinde und denn die Nöiapostolischi Chile ggründet worde. Au bi de Mormoone gits Aposchtel.
D Aposchtel het me gärn als Schutzpatron vo de Chile gnoo.
- Jürgen Roloff: Apostolat – Verkündigung – Kirche. Ursprung, Inhalt und Funktion des kirchlichen Apostelamtes nach Paulus, Lukas und den Pastoralbriefen. Gütersloh 1965.
- Ferdinand Hahn: Der Apostolat im Urchristentum. In: Kerygma und Dogma 20, 1974, S. 54–77.
- Die Zwölf / Zwölferkreis uf theologie-systematisch.de
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
