א

Aleph isch de ärscht Buechstab im Hebräischä Alphabet. De Luutwärt isch /ʔ/ in de IPA-Notation – De Knackluut wo in vieli Varietäte vum Dütsche (im Alemannische aber nüt) zwar vohonde isch, abr nit gschriebe wird. Er het de Zahlenwert 1.

Aleph

Gschicht

S Aleph isch de ärschte Buechschtab vum phönizische un vum hebräische Alphabet. Der stoht fir e Konsonant. D Grieche hän aber, wu si s phönizisch Alphabet ôn ihri Schprôch ôpasst hän, des als Zeiche fir de Vokal Alpha umditet, wu den s latinisch A drus worre isch. De Nôme vum Buechstab kunnt vu de schtilisierte Darschtellung vun em Schtierkopf (hebräisch alef: „Rind“) mit zwey Herner her.

Bispil

• אדם Adam vowôndt mit אדמה adamah: "Erde"
• אברהם Abraham: "Vatr vun de Meng"
• כיתה אלף kita alef: ärscht (Schuel-)Klass
• מאלף עד תו me-alef ad taw: vun a bis z
• אוֹנָן Onan: biblischar Vornôm
• אוֹפִיר Ophir: geografischar Nôme
• אוּרִיאֵל Uriel, männlichr Vornôm: "Min Liecht isch Gott"

Ôndri Vowendunge

• Georg Cantor het des Symbol in d Mathematik fir voschideni Unendlichkeite iigfiert: ${\displaystyle \aleph _{0}}$ beditet dôbi d abzählbari Unendlichkeit vun de natirliche Zahle un ${\displaystyle \aleph _{1}}$ d ärschti iberabzählbari Unendlichkeit (untr de Ônnôhm vun de Kontinuumshypothese isch d Unendlichkeit vun de reelle un de komplexe Zahle), lueg au Kardinalzahl.
• Im Jänner 2000 hen sich d Aum in Aleph umgnennt.
• Aleph isch de Nôme vum Bibliothekssyschtem vun Ex Libris
• ALEPH (Apparatus for LEP Physics) isch de Nôme vun em Detektor ôm LEP-Ring vum CERN.

Zeichekodierung

Unicode UTF-16	U+05d0
Unicode-Nôme	HEBREW LETTER ALEF
HTML	א
ISO 8859-8	0xe0

S' hebräischä Alphabet Aleph א - Beth ב - Gimel ג - Daleth ד - He ה - Waw ו - Zajin ז - Chet ח - Thet ט - Jod י - Kaph כ ך - Lamed ל - Mem מ ם - Nun נ ן - Samech ס - Ajin ע - Pe פ ף - Sade צ ץ - Koph ק - Resch ר - Sin ש - Taw ת