Die Acht Alten Ort (französisch Huit anciens Cantons, italiänisch Otto vecchi Cantoni, rätoromanisch: Otg Chantuns vegls) si sälli Kantön vo der Schwiiz gsi, wo zwüsche 1353, wo d Stadt Bärn em Bund bidrätten isch und 1481, em Johr vom Biidritt vo de Stedt Freiburg und Solodurn, Deil vo dr Alten Eidgenosseschaft gsi si.
![Thumb](http://upload.wikimedia.org/wikipedia/commons/thumb/d/db/Historische_Karte_CH_1385.png/640px-Historische_Karte_CH_1385.png)
Die acht Ort si gsi (in Chlammere s Johr vom Biidritt):
Land Uri (1291)
Land Schwyz (1291)
Land Underwalde (Ob- und Nidwalde) (1291)
Stadt Luzärn (1332)
Stadt Züri (1351)
Stadt und Land Zug (1352)
Stadt Bärn (1353)
Land Glarus (1352/86)
D Eidgenosseschaft vo de Acht Alten Ort isch entstande wo s Bündnis vo de Urkantön um fümf Ort erwiiteret worden isch. Es isch en üsserst heterogene Staatebund gsi, wo sich uf e Reihe vo Verdräg gstützt het, wo zum Deil nit alli Ort underschriibe hai. Drotzdäm het sich us däm Bund noh di noh e schwiizerischi Eidgenosseschaft as eigeständigs politischs Gebild innerhalb vom Heilige Römische Riich entwigglet.
Am Ändi vo dere Epoche isch s Stanser Verkommnis gstande. Das het dr Komflikt innerhalb vo der Eidgeossenschaft greglet, wo wägen em Biidritt vo Solodurn und Freiburg zwüsche de Landort und de Stadtort entstanden isch. D Expansion vo der Eidgenosseschaft, wo druf cho isch, het zu dr Drizähörtige Eidgenosseschaft gfüehrt.
Lueg au
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.