William Francis Butler

Sir William Francis Butler (1838–1910) was 'n Britse generaal en ook waarnemende Goewerneur van die Kaapkolonie. Hy is in 1838 in Tipperary, Ierland, gebore. Op 20 jarige ouderdom sluit hy aan by die 69ste regiment. Hy besoek Suid-Afrika as staflid van generaal sir Garnet Wolseley toe hy in 1875 na Natal gestuur is. Wolseley stuur Butler na Bloemfontein op 'n geheime sending en later veg Butler onder Wolseley in die Anglo-Zoeloeoorlog van 1879–80. Van 1880 tot 1898 beklee hy hoë poste by Aldershot en elders in Brittanje. Kort voor die uitbreek van die Tweede Vryheidsoorlog in 1898 word hy in bevel geplaas van die troepe van die Kaap.

William Francis Butler
William Francis Butler in 1883
Geboortedatum	31 Oktober 1838
Geboorteplek	Golden, Ierland
Sterfdatum	7 Junie 1910 (op 71
Sterfplek	Bansha, Ierland
Lojaliteit	Verenigde Koninkryk
Diens/Tak	Britse Weermag
Rang	Luitenant-generaal
Eenheid	69ste Regiment
Poste beklee	Suid-Afrika
Veldslae/oorloë	Anglo-Zoeloeoorlog Tweede Vryheidsoorlog
Toekennings	Order of the Bath

Hy maak homself egter ongewild toe hy die owerhede waarsku dat 'n baie groot mag nodig sal wees om die Boere te oorwin. Om dié rede is hy teruggeroep en in bevel van die Western District in Engeland geplaas. Hy bly woon in Engeland maar besoek Suid-Afrika weer in 1906. Hy het 'n aantal puik boeke geskryf, waaronder verskeie oor Suid-Afrika. Hy is op 7 Junie 1910 oorlede.

Sien ook

• Lys van kommandeurs en goewerneurs van die Kaapkolonie

Bronne

• Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.

Eksterne skakels

• Wikimedia Commons het meer media in die kategorie William Francis Butler.