Walter Gropius

Walter Gropius (* 18 Mei 1883 Berlyn, Duitsland; † 5 Julie 1969 Boston, Massachusetts, VSA) was 'n Duits-Amerikaanse argitek en een van die invloedrykste wegwysers vir die moderne boukuns.

Walter Gropius

Duits-Amerikaanse argitek

---

Skool
Moderne Internasionale Argitektuur

---

Beduidende projekte

Bauhaus-ontwerpskool Dessau


Woonhuis in die Hansa-buurt, Berlyn


PanAm-wolkekrabber, New York

---

Toekennings en pryse
Ere-doktor van die

• Technische Hochschule Hannover (1929)
• Freie Universität Berlin (1963)

Gropius het in 1919 die Bauhaus gestig en as sy eerste direkteur gefungeer. Vanaf 1928 was hy in Berlyn werksaam, tog het hy ná die Nasionaal-Sosialistiese magsoorname eers na die Verenigde Koninkryk en daarna na die Verenigde State geëmigreer waar hy in 1937 as hoof van die Harvard-universiteit se Departement Argitektuur aangestel is.

Walter Gropius se fabrieksgebou vir die Duitse onderneming Fagus in Alfeld, Nedersakse, wat hy in 1911/12 saam met Adolf Meyer ontwerp het, was rigtingwysend vir die ontwikkeling van die moderne glas-beton-boustyl. Sy beduidendste projekte in die VSA sluit die McCormick-Estate-kantoorgebou in Chicago, die gebou van die Harvard-universiteit en die PanAm-wolkekrabber in New York in.

In 'n groot aantal teoretiese geskrifte het Gropius sy idees oor organiese stedebou en argitektuur as 'n funksionele organisasievorm geformuleer. Hy het 'n leidende rol by die beplanning en die bou van die nuwe stadsdeel Gropiusstadt in die suidooste van Berlyn gespeel.

Bibliografie

• Wood, V.C.: Hulde aan Walter Gropius - Baanbreker-argitek van ons tyd. In: Lantern. Tydskrif vir Kennis en Kultuur. Jaargang 13, nr. 3, Maart 1964

Eksterne skakels

• Walter Gropius, Lincoln, Massachusetts
• Interbau
• Fagus (Duits)

Wikimedia Commons bevat media in verband met Walter Gropius.