Strubendam-voëlreservaat

Die Strubendam-voëlreservaat in Lynnwood Glen, Pretoria is geleë op 'n gedeelte van die oorspronklike plaas Hartebeestpoort 362 JR^[2] wat aan mnr. F.E.B. Struben^[3] behoort het.

Strubendam-voëlreservaat
Strubendam-voëlreservaat
Land	Suid-Afrika
Provinsie	Gauteng
Naaste dorp	Pretoria
Strubendam-voëlreservaat
Koördinate: 25°46′36.40″S 28°16′44.21″O
Oppervlak	9 ha[1]
Bestuursliggaam	Tshwane Metroraad
Webblad	Strubendam-voëlreservaat

Strubendam

Die dam is gebou in die Waterkloofspruit en dit het 'n bakmaat van 108 000 m³. Die damwal is ongeveer 6 meter hoog.^[4]

Die presiese ouderdom van die oorspronklike dam is nie bekend nie, maar daar word geskat dat die dam tussen die 1940's en 1960's gebou is. Kaarte wat dateer uit 1929 dui daarop dat die dam in daardie tyd nog nie bestaan ​​het nie.^[5]

Die damwal is in September 1984 opgegradeer en sedert 1985 dien dit ook as die vloedbeheerdam.

'n Swartkeelgeelvink (Ploceus velatus) besig om 'n nes te weef in die Strubendam-voëlreservaat‎

Dierelewe

Voëllewe is volop en 'n verskeidenheid vissoorte soos die vleikurper, skerptandbaber, kanariekurper, karp en varswaterbaars kom in die dam voor.

Plantegroei

Die plantegroei by Strubendam is bakenveld, wat 'n oorgangplantegroei tussen grasveld en bosveld is. Daar is ook moeras-areas en oewerbos onder die damwal. Riviervaderlandswilg, soetdoring, gewone haakdoring en witstinkhout is die algemeenste bome in die reservaat.

Fasiliteite en aktiwiteite

Die reservaat is is ideaal vir stap, voëlkyk en piekniek. Daar is ablusiegeriewe beskikbaar en groot skaduryke grasperke waar besoekers kan ontspan. Die dam word gebruik vir visvang. Geen vure word toegelaat nie.

Besoektye

Somer (September - April): 06:00 - 18:00

Winter (Mei - Augustus): 06:00 - 18:00

Bron

• Struben Dam Bird Sanctuary by www.tshwane.gov.za. Besoek op 25 Junie 2014.

Verwysings

1. "Situational Analysis, GAP Analysis, Action Plan and Stakeholder Engagement for Phase 1 of the Moreleta Spruit Adopt-a-River Project, 3.1.1 History of nature reserves" (PDF). Department of Water Affairs. Besoek op 25 Junie 2014.
2. "Cultural Heritage Management Plan for the Struben Dam Bird Sanctuary, City of Tshwane, 6. DESCRIPTION OF THE AREA" (PDF). Archaetnos, Dr. A.C. van Vollenhoven (L.Akad. SA), April 2010. Besoek op 25 Junie 2014.^{[dooie skakel]}
3. "Development and Management Plan for the Lynnwood Road - Brookside Road Section of the Moreletaspruit, For the years 2004 to 2008, 3.2.1 Flora, Compiled November 2003" (PDF). Friends of Moreletaspruit. Geargiveer vanaf die oorspronklike (PDF) op 3 Maart 2016. Besoek op 25 Junie 2014.
4. "List of Registered Dams Jan 2014". www.dwaf.gov.za. Besoek op 25 Junie 2014.
5. "Cultural Heritage Management Plan for the Struben Dam Bird Sanctuary, City of Tshwane, 7.4.1 Site 1" (PDF). Archaetnos, Dr. A.C. van Vollenhoven (L.Akad. SA), April 2010. Besoek op 25 Junie 2014.^{[dooie skakel]}