From Wikipedia, the free encyclopedia
Shani (Sanskrit: Śani शनि) is een van die Nawagraha, wat naamlik die nege primêre hemelwesens in Hindoeastrologie, of Djyotiṣa is. Shani word in die planeet Saturnus beliggaam. Hy is die heer van Saterdag; die woord Shani dui ook in die meeste Indiese tale die sewende dag of Saterdag aan.
| Shani | |
|---|---|
 'n 1782 gravering volgens Pierre Sonnerat se skildery wat tydens 'n besoek aan Indië en die 1770's gemaak is. | |
| Devanagari | शनि / शनैश्वर |
| Affiliasie | Graha |
| Mantra | Om Sjam Sjanaiskarjaje Namah |
| Rydier | Raaf / Aasvoël |
| Planeet | Saturnus |
Die woord Shani (शनि) is afkomstig van: Sjanaje Kramati Sa: (शनये क्रमति सः) i.e. die een wat stadig beweeg, aangesien Saturnus 30 jaar neem om om die Son te wentel. Shani staan ook bekend as Shanaiskarya (शनैश्वर) Shani Bhagawan, Shaniesvara, Saniesvara, Shaniesvaran en Shani Deva.
Shani is 'n dewa en seun van Soerja (die Hindoe-songod) en sy vrou Tjhaja (Skadugodin) en staan dus ook bekend as Tjajjapoetra. Hy is die neef van Jama, die Hindoegodin van die dood. Daar word vertel dat toe hy as baba vir die eerste keer sy oë oopgemaak het, die Son verduister is, wat die impak van Shani op astrologiese kaarte duidelik aandui. Hy staan bekend as die grootste leermeester. Daar word gesê dat Shani dêw baie skadelik kan wees vir dié wat die pad van verraaiing, rugstekery en onregverdige wraak volg. Hy staan in die Hindoegeskrifte bekend as die grootste moeilikheidmaker sowel as die grootste goedgesinde. Hy word uitgebeeld in donker kleure, geklee in swart, terwyl hy 'n swaard, pyle en twee dolke vashou, en ry op die rug van 'n swart kraai.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
_name_of_the_God_as_per_the_Vedas.svg){kind=small}
