Rob

Robbe (Phocidae), ook Oorlose Robbe of Seehonde genoem, is 'n familie van soogdiere wat in die see lewe. Die familie resorteer onder die orde van roofdiere (Carnivora).

Robbe Tydperk: 15–0 m. jaar gelede Ps Es Os Ms Pl Ps
Phoca vitulina
Wetenskaplike klassifikasie
Koninkryk:	Animalia
Orde:	Carnivora
Suborde:	Caniformia
Superfamilie:	Pinnipedia
Familie:	Phocidae Gray, 1821
Genera
Acrophoca† Afrophoca† Callophoca† Cystophora Devinophoca† Erignathus Hadrokirus† Halichoerus Homiphoca† Hydrurga Leptonychotes Lobodon Manatus† Mesotaria† Messiphoca† Miophoca† Mirounga Monachus Monotherium† Ommatophoca Pachyphoca† Paleophoca† Palmidophoca† Phoca Piscophoca† Pliophoca† Pontophoca† Pristiphoca† Properiptychus†

Die ware robbe (Phocidae) word onderskei van die oorrobbe (Otariidae) deurdat hulle geen uitwendige oorskulpe het nie en deur hul onvermoë om hul agterledemate vir beweging op die land te gebruik.

Daar is 'n hele aantal soorte, waarvan die meeste in die koue gematigde seë en in die Arktiese en die Antarktiese gebied aangetref word. In Suid-Afrikaanse waters word hierdie groep verteenwoordig deur die suidelike see-olifant (Mirounga leonina) en die luiperdrob (Hydrurga leptonyx). Hulle is nie juis volop aan hierdie kus nie, want hul eintlike tuiste is die Antarktiese en sub-Antarktiese gebied.

Die meeste van die ware robbe is kuddediere, maar die luiperdrob, wie se dieet hoofsaaklik uit pikkewyne bestaan, en die uiters seldsame Rossseerob word nêrens in groot getalle aangetref nie. Anders as die ander Vinvoetiges of Seeroofdiere (voorheen van die suborde Pinnipedia) is die ware robbe, uitgesonderd die see-olifant en die grys rob, nie veelwywig nie.

• 
  Phocidae resies!
• 
  Vergelyking tussen Otariidae en Phocidae
• 
  Bejaarde Phocidae
• 
  Phocidae - Parc Zoologique in Parys
• 
  Baba Weddellrob

Sien ook

• Seeroofdiere

Bronnelys

• KENNIS,  vol 14, 1980, bl. 2751-2753,  ISBN 0 7981 0836 3
• Our Cape fur seals. In: Lantern. Tydskrif vir Volksopvoeding. Jaargang 3, no. 2, September 1953.

Eksterne skakels

• Wikimedia Commons het meer media in die kategorie Rob.
• Wikispecies het meer inligting verwant aan Rob