Río Magdalena

Die Río Magdalena ([ˈri.o maɣðaˈlena]) is 'n groot noord-vloeiende rivier in Suid-Amerika. Die rivier, met 'n lengte van 1 528 km, is die langste rivier in Colombia.

Río Magdalena
Die Río Magdalena naby Barranquilla. Die Río Magdalena naby Barranquilla.
Die stroomgebied van die Río Magdalena.
Oorsprong	Laguna del Buey (Colombia)
Monding	naby Barranquilla, Colombia Karibiese See
Stroomgebied	Colombia
Lengte	1 528 km (949 myl)[1]
Oorspronghoogte	3 685 m (12 090 voet)
Mondinghoogte	0 m
Gemiddelde afloop	7 200 m³/s (254 300 ft³/s)[2]
Stroomgebiedopp.	257 438 km² (99 397 myl²)

Satellietbeeld van die Río Magdalena se delta net noord van Barranquilla.

Die naam van die Río Magdalena kom van sy ontdekking deur Spaanse conquistadores. Sy ontdekker, Rodrigo de Bastidas, het die monding van die rivier op 1 April 1501 bereik. Soos dit destyds gebruiklik was, het hulle riviere en plekke na heiliges genoem. Die dag se heilige op 1 April was Maria Magdalena. Die volle naam van die rivier is Río Grande de la Magdalena.^[3] Vertaal uit Spaans beteken dit: "Groot rivier van (Maria) Magdalena".

Tydens die Spaanse koloniale bewind het die Río Magdalena as belangrike skeepsroete tussen die hoofstad Bogotá, die belangrike hawestad Cartagena en Europa gedien.

Verwysings

• Wikimedia Commons het meer media in die kategorie Río Magdalena.

1. (es) "Sistema de informacion Ambiental de Colombia – SIAC". Geargiveer vanaf die oorspronklike op 25 Desember 2018. Besoek op 11 Februarie 2015.
2. (en) "Chapter 14" (PDF). The Pacific and Caribbean Rivers of Colombia: Water Discharge, Sediment Transport and Dissolved Loads. Geargiveer vanaf die oorspronklike (PDF) op 25 Maart 2012. Besoek op 11 Februarie 2015.
3. "Polinizaciones: Las Abejas y las Garzas" (in Spaans). Polinizaciones.blogspot.com. 7 Februarie 2008. Geargiveer vanaf die oorspronklike op 9 Oktober 2019. Besoek op 11 Februarie 2015.