From Wikipedia, the free encyclopedia
Honorius I was die 70ste pous van die Rooms-Katolieke Kerk.
Pous Honorius I | |
---|---|
![]() | |
Pontifikaat begin | 27 Oktober 625 |
Pontifikaat eindig | 12 Oktober 638 |
Voorganger | Bonifatius V |
Opvolger | Severinus |
Gebore | |
Sterf | 12 Oktober 638 Rome, Italië |
Ander pouse genaamd Honorius |
Pous Honorius I is (volgens die Liber Pontificalis) gebore in Kampanië en was die seun van die konsul Petronius. Op 27 Oktober 625 volg hy Pous Bonifatius V op en regeer tot sy dood op 12 Oktober 638. Hy word opgevolg deur Pous Severinus. Die naam ‘Honorius’ beteken 'eerbaar'.
Pous Honorius I is bekend vir sy aktiewe bouwerk in Rome. Hy rekonstrueer die Akwaduk van Trajanus en herstel die dak van die Sint Pieterskerk. Hy het baie heidense geboue laat ombou tot christelike kerke.
Die pous het veral die sending na Engeland aangemoedig, in besonder na Wessex. Hy het ook daarin geslaag om die Ierse Paasfees in lyn te bring met die res van die Kerk.
Pous Honorius I is deur Pous Agatho tydens die derde konsilie van Konstantinopel in 680 (meer as 40 jaar na sy dood) veroordeel weens sy siening oor die Monofisiete. Die anatema (banvloek) noem die pous by name saam met die belangrikste Monofisiete. Die dertiende sitting van die konsilie besluit dat:
- ... en hiermee stel ons dat uit die heilige Kerk van God verban en vervloek word, Honorius vorige pous van ou Rome, om rede van wat ons gevind het dat hy geskryf het aan (Patriarg) Sergius, waarin hy sy sieninge volg en sy godslasterlike leer bevestig. -
Die sestiende sitting voeg hierby:
-Aan Theodorus, die ketter, anatema! Aan Sergius, die ketter, anatema! Aan Cyrus die ketter, anatema! Aan Honorius, die ketter, anatema!-
Hierdie veroordeling is later bevestig deur Pous Leo II (hierdie feit word in twyfel getrek deur Cesare Baronio en Bellarmine , maar word teenswoordig algemeen aanvaar) in die woorde
- en ook Honorius wat nie probeer het om die Apostoliese Kerk te heilig deur die Apostoliese tradisie nie, maar deur verderflike verraad toegelaat het dat die reinheid vervuil word. –
Hierdie anatema was later een van die groot argumente teen Pouslike Onfeilbaarheid tydens die Eerste Vatikaanse Konsilie van 1870. Die anatema het egter nie Pouslike Onfeilbaarheid in die wiele gery nie omdat (volgens die voorstanders van Pouslike Onfeilbaarheid): 1. Honorius nie "ex cathedra" (in amptelike hoedanigheid, met bindende krag vir die Kerk) gepraat het nie. (dit word betwis deur die Romeinse historikus Hefele ) en 2. Honorius nie as Monoteliet of as ketter veroordeel is nie, maar slegs omdat hy nagelaat het om sterk op te tree.
Saamgestel en vertaal uit die Nederlandse, Engelse, Duitse en Franse wikipedia.
Die Engelse Wikipedia verklaar verder dat: Original text taken from a paper copy of the 9th edition Encyclopædia Britannica (1881) and the Catholic Encyclopedia
Voorafgegaan deur Bonifatius V |
Pous (Pontifex Maximus) 625 – 638 |
Opgevolg deur Severinus |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.