From Wikipedia, the free encyclopedia
Hilarius was die 46ste pous van die Rooms-Katolieke Kerk.
| Pous Hilarius | |
|---|---|
.jpg) | |
| Geboortenaam | Hilarius |
| Pontifikaat begin | 19 November 461 |
| Pontifikaat eindig | 29 Februarie 468 |
| Voorganger | Leo I |
| Opvolger | Simplicius |
| Gebore | Sardinië, Italië |
| Sterf | 29 Februarie 468 Rome, Italië |
Pous Hilarius is gebore op die eiland Sardinië. As aartsdeken tydens die pontifikaat van Pous Leo I het hy die veroordeling van Flavianus van Konstantinopel op die tweede konsilie van Efese in 449 sterk teengestaan. Op 19 November 461 volg hy Pous Leo I op en regeer tot sy dood op 29 Februarie 468. Hy word opgevolg deur Pous Simplicius. Die naam ‘Hilarius’ beteken 'die vrolike'.
Pous Hilarius het die werk van sy voorganger en mentor Pous Leo I om die oppermag van die biskop van Rome in die Rooms-Katolieke Kerk vas te lê, voortgesit. Rusticus van Narbonne het sy aartsdeken Hermes as biskop aangestel sonder die toestemming van Pous Leo I. Hilarius het 'n sinode belê in 462 waarin Hermes as titulêr biskop bevestig is, maar nie sy magte as metropoliet kry nie. In 463 het Mamertus van Wene 'n biskop van Die gekonsekreer, hoewel die kerk volgens die besluit van Pous Leo I onder die jurisdiksie van die biskop van Arles geval het. Op Hilarius se bevel het Leontius van Arles 'n sinode byeengeroep om die saak te ondersoek. Biskop Antonius het na die sinode verslag gedoen aan die pous en Hilarius het op 25 Februarie 464 'n edik uitgevaardig waarin biskop Veranus opdrag kry om biskop Mamertus te waarsku dat indien hy weer ongemagtigde konsekrasies sou uitvoer sy magte van hom af weggeneem sou word.
Die kerk in Spanje het in die 5de eeu buite die beheer van die pous opgetree. Verskeie dispute het ontstaan waarin Silvanus van Calahorra en Nundinarius van Barcelona betrokke was. Die sinode van Rome op 19 November 465 wat gehou is in die Santa Maria Maggiore basiliek het die sake besleg en die gesag van Rome versterk. Dit is die oudste Roomse sinode waarvan die oorspronklike dokumente behoue gebly het.
Pous Hilarius word as heilige vereer in die Rooms-Katolieke Kerk. Sy feesdag is op 29 Februarie in 'n skrikkeljaar en op 28 Februarie in nie-skrikkeljare.
 |
Wikimedia Commons bevat media in verband met Hilarius. |
Saamgestel uit die Nederlandse, Engelse, Duitse en Franse wikipedia.
| Voorafgegaan deur Leo I |
Pous (Pontifex Maximus) 461 – 468 |
Opgevolg deur Simplicius |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
