Bonifatius VI was die 112de pous van die Rooms-Katolieke Kerk.
| Pous Bonifatius VI | |
|---|---|
 | |
| Pontifikaat begin | April 896 |
| Pontifikaat eindig | April 896 |
| Voorganger | Formosus |
| Opvolger | Stefanus VI (VII) |
| Gebore | Rome, Italië |
| Sterf | April 896 Rome, Italië |
| Ander pouse genaamd Bonifatius | |
Biografie
Pous Bonifatius VI is gebore in Rome die seun van Adrianus. Voor sy verkiesing is hy reeds twee keer afgeset eers as sub-diaken en later as priester (weens onsedelikheid ref. BBKL). Na 'n oproer wat gevolg het op die dood van Pous Formosus word hy in April 896 deur die teenstanders van sy voorganger tot pous verkies en regeer slegs vyftien dae tot sy dood in April 896. Vir ander kort pontifikate sien Lys van kortste pontifikate. Hy word opgevolg deur Pous Stefanus VI (VII). Die naam ‘Bonifatius’ beteken 'weldoener'.
Pontifikaat
Pous Bonifatius VI het slegs vyftien dae regeer. Party bronne sê hy is dood aan jig, ander dat hy hardhandig afgeset is om plek te maak vir sy opvolger Pous Stefanus VI (VII), die kandidaat van die hertog van Spoleto.
Tydens 'n konsilie in Rome in 898 het Pous Johannes IX Bonifatius se verkiesing ongeldig verklaar omdat Bonifatius weens sy afsettings nie verkiesbaar was nie. Desondanks word Bonifatius nog steeds gelys as 'n wettige pous in die "Annuario Pontificio".
Bibliografie
- Duff, Eamon (2001). Saints and Sinners: A History of the Popes, Yale University Press. ISBN 0300091656
- Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.
Eksterne skakels
- CE Inskrywing in die Catholic Encyclopedia (Engels)
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- PTA Inskrywing in "Popes through the Ages" deur J. Brusher S.J. (Engels)
Nota
Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.
Opvolging
| Voorafgegaan deur Formosus |
Pous (Pontifex Maximus) 896 – 896 |
Opgevolg deur Stefanus VI (VII) |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
