Opole

Opole [ɔ'pɔlɛ], Duits: Oppeln, is 'n Poolse stad in die historiese gewes Bo-Silesië. Opole, wat tussen Wrocław (Breslau) en Katowice (Kattowitz) in die suidweste van die land geleë is, is vandag die administratiewe sentrum van die gelyknamige woiwodskap.

Opole Oppeln
Kaart	Wapen
	Vlag
Land	Pole
Woiwodskap	Opole
Koördinate	50°40′N 17°56′O
Stigting	1211/1217
Stadstatus	1327
Oppervlakte:
- Totaal	96,2 vk km
Hoogte bo seevlak	176 m
Bevolking:
- Totaal (31 Desember 2010)	125 710
- Bevolkingsdigtheid	1 306,8/vk km
Tydsone	MET (UTC +1)
- Somertyd	MEST (UTC +2)
Klimaat
- Tipe	Gematigde klimaat
- Gemiddelde jaarlikse temperatuur	8,5 °C
- Gem. temp. Januarie/Julie	-
- Gemiddelde jaarlikse neerslae	- mm
Burgemeester	Ryszard Zembaczyński
Amptelike Webwerf	www.opole.pl/

Die stad het oorspronklik in die 8ste eeu as vesting van die Opolane, 'n Wes-Slawiese stam, op 'n klein eiland in die Oder-rivier ontstaan. In die vroeë 13de eeu het hertog Kasimir I (1178–1230) hier 'n koopmansstad laat stig, waarskynlik volgens Vlaamse Reg.

Opole met sy uitgestrekte stadsgebied en harmoniese voorkoms staan in Pole onder meer as gasheerstad van die Poolse sangfees bekend. Die stad is daarnaas die sentrum van 'n gebied met 'n beduidende minderheid Duitssprekendes, alhoewel die persentasie etniese Duitsers in Opole self net sowat drie persent beloop.

Opole is die setel van 'n Rooms-Katolieke biskop en huisves 'n universiteit (met die eerste ooms-Katolieke fakulteit in Pole), 'n tegniese universiteit, 'n kuns- en musiekskool asook wetenskaplike instellings.