Musée maritime fluvial et portuaire de Rouen

Die Musée maritime fluvial et portuaire is 'n museum in die Normandiese stad Rouen wat oor die geskiedenis van die plaaslike hawe, een van die grootstes in Frankryk, handel. Die museum is in die jaar 1999 geopen.

Musée maritime fluvial et portuaire de Rouen
Land	Frankryk
Stad	Rouen
Versameling	Skeepsvaart
Uitgestalde stukke	meer as 2000
Oppervlakte	900 m2
Openingsjaar	1999
Besoekers per jaar	ongeveer 10000
Adres	Loods Nommer 13, Quai Émile Duchemin, 76000 Rouen
Naaste bushalte	Mont-Riboudet (T1, T2, T3, 16)
Webadres	http://www.musee-maritime-rouen.asso.fr/
Sien ook: Museum

Die museum

Die hoofonderwerpe is:

• die hawe se geskiedenis, wat met talle foto's gedokumenteer is, onder andere 'n gedeelte oor die verwoesting wat die Tweede Wêreldoorlog veroorsaak het
• die hawegeriewe en bedrywighede langs die Seinerivier gedurende die 19de eeu
• die groot seilskepe van Rouen, met 'n gedeelte oor die skepe wat na Nieu-Kaledonië gevaar het om nikkel op te laai
• die handelsvloot, met verskeie modelle van vragskepe, naby die voormalige loods van die hawe, waarin die museum gehuisves word
• watervervoer op riviere
• die skeepsbou
• walvisjag
• die geskiedenis van duikbote, waaronder inligting oor Robert Fulton se Nautilus.

Die museum vertoon onder meer enjins van rivierbote, stoombote wat deur vissers gebruik is, 'n newelbel, 'n duiker en die afdruk van 'n radiokamer van 'n skip gedurende die 1960-jare.

Die geraamte van 'n jong walvis (verskaf deur die museum d'histoire naturelle de Rouen) word in die middel van die museum vertoon. Dit is 'n gewone vinvis, wat slegs 7 jaar oud was toe dit dood is nadat dit self gestrand het.

'n Rivierboot met 'n lengte van 38 meter, wat die Pompon Rouge heet, kan in die binnehof van die museum besigtig word. Dit vertoon watervervoer op riviere, met onder andere 'n sluismodel.

Verder is daar reëlmatige uitstallings oor verskillende temas, byvoorbeeld die vervoerbrug van Rouen en die Wikings.

Foto's

• 
  Algemene blik op die museum
• 
  Die rivierboot Pompon Rouge, omgebou in tentoonstellingsruimte
• 
  Skeepsruim van 'n rivierboot, met 'n uitstalling van watervervoer op riviere
• 
  Sulzer-enjin van 400CV en 28 ton vir sleepbote (1937)
• 
  Model van die Marie-Louise Schiaffino
• 
  Model van die Petraia
• 
  Skeepsklok
• 
  Model van die vervoerbrug by Rouen
• 
  Walvisgeraamte
• 
  Radiokamer van 'n skip van die 1960-jare
• 
  Model van die slagskip Richelieu
• 
  'n Duiker

Die gebou

Die museum word gehuisves in Loods nommer 13 in die hawe van Rouen

Die museum word in 'n deel van die hawe se voormalige loodse gehuisves. Die loods is in die jaar 1926 gebou en tot die sewentigerjare deur die Schiaffino-maatskappy gebruik. Teen 1984 was dit nie meer deur die hawe in gebruik nie.

Eksterne skakels

• Webwerf van die vereniging wat die museum bestuur