Mormone

Mormone (of Heiliges van die Laaste Dae) is mense wat in die Bybel en in die Boek van Mormon glo.

'n Gebrandskilderde venster vertoon Joseph Smith se eerste visie

Mormone
Die tempel op Salt Lake City se Tempelplein is die bekendste argitektoniese simbool van die Mormone-beweging
Totale bevolking:	16 118 169[1][2]
Belangrike bevolkings  in:	Verenigde State 6 592 195[3]  Meksiko 1 417 011[4]  Brasilië 1 354 127[5]  Filippyne 745 959[6]  Chili 585 887[7]  Peru 578 526[8]  Argentinië 445 108[9]
Taal:	Engels • Portugees • Spaans
Geloofsoortuiging:	Kerk van Jesus Christus van die Heiliges van die Laaste Dae
Verwante etniese groepe:

Joseph Smith het die Mormoonse kerk in 1827 gestig. Hy het beweer dat 'n engel (genaamd Moroni) aan hom verskyn het. Die engel het hom vertel dat hy uitverkies is om sekere goue plate te vertaal. Die Boek van Mormon, waarop die geloof berus, het so ontstaan.

Ná Smith se dood in 1844 is die Mormone deur Brigham Young gelei. Vandag is die meeste Mormone deel van die Kerk van Jesus Christus van die Heiliges van die Laaste Dae. Daar is egter ook onafhanklike en nie-praktiserende Mormone.

Utah is die sentrum van die Mormone se kulturele invloed. Noord-Amerika het meer Mormone as enige ander kontinent, al woon die meeste Mormone buite die Verenigde State.