Leeukop
berg in Suid-Afrika From Wikipedia, the free encyclopedia
berg in Suid-Afrika From Wikipedia, the free encyclopedia
Leeukop is 'n kop in Kaapstad, Suid-Afrika, wat tussen Tafelberg en Seinheuwel geleë is. Die kop is 669 meter (2 195 voet) bo seevlak. Die piek skep 'n dramatiese agtergrond vir Kaapstad en is deel van die Tafelberg Nasionale Park.
Leeukop | |
---|---|
Leeukop (links) en Seinheuwel (regs) met Robbeneiland op die agtergrond, soos vanaf Tafelberg gesien | |
Ligging | Wes-Kaap, Suid-Afrika |
Hoogte | 669 meter bo seevlak |
Koördinate | 33°56′S 18°23′O |
Kaapstad se voorstede omring die kop aan bykans alle kante, maar streng beheer deur die munisipaliteit het voorkom dat huise teen die hoër hange gebou word. Die gebied is van besondere belang vir die Kaapse Maleiergemeenskap, wat histories in die Bo-Kaap naby Leeukop gewoon het. 'n Aantal geskiedkundige grafte en tempels (kramats) van Maleise leiers is op die laer hange geleë.
In die 17de eeu het die Nederlanders die kop Leeuwen Kop gedoop, terwyl Seinheuwel as die Leeuwen Staart (die Leeu se stert) bekend was. Die Engelse het in die 17de eeu na die kop as Sugar Loaf verwys.[1][2]
Leeukop is bekend vir sy skouspelagtige uitsig oor die stad, en die uur lange klim na die kruin is veral gewild tydens volmaan.[1] Die hange is ook gewilde afspringpunte vir hangswewers.
Die boonste deel van die piek bestaan uit platliggende Tafelberg-sandsteen en die laer hange is gevorm deur die Kaapse graniet en die Malmesbury-formasie, wat ouer prekambriese rotse is. Leeukop is bedek met Fynbos (inheemse Kaapse plantegroei) met 'n buitengewoon ryk biodiversiteit wat 'n verskeidenheid van kleiner diere ondersteun.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.